فيديو: إيجاد مساحة السطح الكلية لمخروط

أوجد المساحة الكلية للمخروط الموضّح، لأقرب جزء من مائة.

٠٢:٠٦

‏نسخة الفيديو النصية

أوجد المساحة الكلية للمخروط الموضّح، لأقرب جزء من مائة.

المساحة الكلية لسطح المخروط بتساوي المساحة الجانبية زائد مساحة القاعدة. ومساحة القاعدة على شكل دائرة بتساوي 𝜋 نق تربيع، حيث الـ نق هو نصف قطر القاعدة. معطى نصف قطر القاعدة اللي هو عشرة سنتيمتر. يبقى نقدر نوجد مساحة القاعدة. هتساوي 𝜋 في عشرة تربيع. يبقى هتساوي مية 𝜋 سنتيمتر مربع.

المساحة الجانبية للمخروط بتساوي 𝜋 نق في الارتفاع الجانبي للمخروط، اللي هو ده. الـ نق مُعطاة بعشرة سنتيمتر. الارتفاع الجانبي للمخروط قيمته مجهولة. نقدر نوجده من المثلث قائم الزاوية ده. حيث أن من نظرية فيثاغورس مربع طول الوتر بيساوي مجموع مربعي الضلعين الآخرين. الارتفاع الجانبي للمخروط ده بيمثّل الوتر في المثلث القائم الزاوية. يبقى قيمة الارتفاع الجانبي تربيع، هتساوي التسعة وعشرين ونص تربيع، زائد العشرة تربيع.

يبقى الارتفاع الجانبي علشان نوجده هنوجد الجذر التربيعي للطرفين. يبقى الارتفاع الجانبي هيساوي الجذر التربيعي لتسعة وعشرين ونص تربيع، زائد عشرة تربيع. يبقى الارتفاع الجانبي هيساوي الجذر التربيعي للتسعمية وسبعين وخمسة وعشرين من مية سنتيمتر.

بالتعويض عن قيمته؛ لإيجاد المساحة الجانبية. يبقى المساحة الكلية للمخروط هتساوي مية في الـ 𝜋، زائد العشرة في الجذر التربيعي للتسعمية وسبعين وخمسة وعشرين من مية في الـ 𝜋. هتساوي تقريبًا ألف ميتين اتنين وتسعين وتلاتة وسبعين من مية سنتيمتر مربع تقريبًا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.