فيديو: امتحان الفيزياء • ٢٠١٧/٢٠١٦ • السؤال الحادي والثلاثون

امتحان الفيزياء • ٢٠١٧/٢٠١٦ • السؤال الحادي والثلاثون

٠١:٥٤

‏نسخة الفيديو النصية

أيّ الأشكال البيانية الآتية يمثّل التيار المتولّد من دينامو يتركّب من عدد من الملفّات توجد بين مستوياتها زاوية صغيرة متساوية؟ وموضّح أربع أشكال بيانية: أ وَ ب وَ ج وَ د.

والدينامو بيبقى مكوّن من قطبين مغناطيس، وموجود ما بينهم ملفّ أطرافه متوصّلة بحلقتين. فلو افترضنا إن ملفّ الدينامو بيدور في عكس اتجاه عقارب الساعة، فده هيخلّي فيه تيار مستحثّ يتولّد في الملفّ والحلقتين. هيخلّي التيار الخارجي يمشي في الاتجاه ده. وبعد نصّ دورة من دوران الملفّ، كل سلك متوصّل بحلقة هيعكس اتجاهه. وبالتالي التيار اللي ماشي فيه هيتعكس. فاتجاه التيار اللي ماشي في الدايرة الخارجية هيتعكس. زيّ ما بيحصل بالظبط في الشكل البياني ب. ولكن ده نتيجة ملفّ واحد. والمطلوب إن إحنا نعرف الشكل البياني اللي بيعبّر عن دينامو بيتركّب من عدد من الملفّات. فكده ممكن نقول: إن الاختيار ب غلط.

وعلشان نوحّد اتجاه التيار اللي خارج من الدينامو بنوصّل الطرفين بتوعه بحلقة مقسومة نصّين. فده بيخلّي إن مهما الملفّ يدور، الطرف اللي متوصّل بنصّ الحلقة الشمال دايمًا التيار خارج منه. والطرف اللي متوصّل بنصّ الحلقة اليمين دايمًا التيار داخل له. ولكن ما زالت الزاوية بين العمودي على الملفّ واتجاه خطوط الفيض المغناطيسي عمّالة بتتغيّر. وبالتالي التيار اللي ماشي فيه عمّال بيقلّ ويزيد. والشكل البياني اللي بيعبّر عن ده هو الشكل أ. وبكده ممكن نقول: إن الشكل ده مش الإجابة الصحيحة.

ولو خلّينا الدينامو بيتركّب من عدد كبير من الملفّات، بحيث إن إحنا لو بصّينا له من الجنب كانت الزوايا بين الملفات دي متساوية. فده بيخلّي إن دايمًا فيه ملفّ من دول التيار اللي بيستحثّ فيه بيبقى قريّب من القيمة العظمى للتيار. وعشان كده التمثيل البياني للتيار اللي خارج من الدينامو اللي فيه عدد كبير من الملفّات بيبقى على الشكل ده. كأن التيار اللي خارج منه مستمرّ تقريبًا.

ويبقى كده الاختيار الصحيح هو: الاختيار د.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.