فيديو: تحديد إذا ما كانت نسبتان متساويتين أو لا

في فصل باسم، يمارس رياضة التنس ٦ طلاب من ١٤ طالبًا. وفي فصل عادل، يمارس هذه الرياضة ٩ من ٢٧ طالبًا. هل نسبة الطلاب الذين يمارسون رياضة التنس في الفصلين متناسبة؟

٠١:٢٥

‏نسخة الفيديو النصية

في فصل باسم، يمارس رياضة التنس ست طلاب من أربعتاشر طالبًا. وفي فصل عادل يمارس هذه الرياضة تسعة من سبعة وعشرين طالبًا. هل نسبة الطلاب الذين يمارسون رياضة التنس في الفصلين متناسبة؟

عايزين نعرف في البداية معنى التناسب. التناسب هو تساوي نسبتين أو أكثر. في فصل باسم كان بيمارس رياضة التنس ستة من أربعتاشر طالب. يبقى النسبة الأولانية هي ستة على أربعتاشر. أما فصل عادل كان بيمارس رياضة التنس تسعة من سبعة وعشرين. يبقى النسبة التانية هي تسعة على سبعة وعشرين. عايزين نشوف النسبتين دول بيساووا بعض ولّا لأ. لو بيساووا بعض يبقى فيه تناسب. لو ما بيساووش بعض يبقى ما فيش تناسب.

لو قسمنا حدي النسبة الأولى على اتنين. يبقى ستة على اتنين هتساوي تلاتة. وأربعتاشر على اتنين هتساوي سبعة. هتبقى النسبة بتساوي تلاتة على سبعة. ولو قسمنا حدي النسبة الثانية على تلاتة. تسعة على تلاتة هتساوي تلاتة. وسبعة وعشرين على تلاتة هتساوي تسعة. تلاتة على سبعة لا تساوي تلاتة على تسعة. ولأن تلاتة على سبعة لا تساوي تلاتة على تسعة، يبقى نسبة الطلاب الذين يمارسون رياضة التنس في الفصلين غير متناسبة. وتكون الإجابة هي لا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.