فيديو: تحديد الأعداد العشرية المتساوية بالتقريب إلى أقرب جزء من عشرة

أيّ من الأعداد العشرية التالية يختلف عن الأعداد الأخرى عند تقريبه لأقرب جزء من عشرة؟ [أ] ٤٫٥٣ [ب] ٤٫٥١ [ج] ٤٫٥٧ [د] ٤٫٤٩

٠٢:٣٠

‏نسخة الفيديو النصية

أيّ من الأعداد العشرية التالية يختلف عن الأعداد الأخرى عند تقريبه لأقرب جزء من عشرة؟ الاختيار الأول: أربعة وتلاتة وخمسين من مية. الاختيار التاني: أربعة وواحد وخمسين من مية. الاختيار التالت: أربعة وسبعة وخمسين من مية. والاختيار الرابع: أربعة وتسعة وأربعين من مية.

خلّينا نشوف كل اختيار من الاختيارات، ونقرّبه لأقرب جزء من عشرة. ونشوف المختلف فيهم. أول اختيار اللي هو أربعة وتلاتة وخمسين من مية. عايزين نقرّبه لأقرب جزء من عشرة. هنحطّ خطّ تحت الرقم الموجود في خانة الجزء من عشرة. ونشوف الرقم اللي على يمينه. لو الرقم اللي على يمينه أقلّ من خمسة، فبنحوّله إلى صفر. والرقم اللي تحته الخطّ بيفضل زيّ ما هو من غير تغيير. فيبقى أربعة وتلاتة وخمسين من مية، بعد التقريب لأقرب جزء من عشرة، هتبقى أربعة وخمسة من عشرة.

هنشوف الاختيار التاني، ونقرّبه لأقرب جزء من عشرة. لو جينا نقرّب أربعة وواحد وخمسين من مية لأقرب جزء من عشرة، هنحطّ خطّ تحت الرقم اللي في خانة الأجزاء من عشرة. ونشوف الرقم اللي على يمينه؛ لو أقل من خمسة، فمعناها إن هيتحول لصفر، والرقم اللي تحته الخطّ هيفضل زيّ ما هو. فيصبح العدد ده بعد التقريب أربعة وخمسة من عشرة.

دلوقتي هنشوف الاختيار التالت. العدد اللي عندنا ده عايزين نقرّبه لأقرب جزء من عشرة. هنحطّ خطّ تحت الرقم اللي في خانة الأجزاء من عشرة. ونشوف الرقم اللي على يمينه. الرقم اللي على يمينه المرة دي أكبر من خمسة. في الحالة دي بنعمل إيه؟ نحوّل الرقم اللي على يمينه ده لصفر، وبنزوّد الرقم اللي تحته خطّ بمقدار واحد. يعني النتيجة بعد التقريب هتبقى تقريبًا أربعة وستة من عشرة.

دلوقتي هنشوف الاختيار الرابع. العدد اللي عندنا أربعة وتسعة وأربعين من مية. عايزين نقرّبه لأقرب جزء من عشرة. هنحطّ خطّ تحت الرقم اللي في خانة الأجزاء من عشرة، ونختبر الرقم اللي على يمينه. الرقم اللي على يمينه تسعة؛ أكبر من خمسة. في الحالة دي، زيّ الحالة اللي فاتت، هنحوّله لصفر، ونزوّد واحد عَ الرقم اللي تحته الخطّ. فيبقى العدد بعد التقريب لأقرب جزء من عشرة هو تقريبًا أربعة وخمسة من عشرة.

هنلاحظ إن بعد التقريب الإجابة الوحيدة المختلفة اللي هي أربعة وستة من عشرة. اللي بتناظر العدد أربعة وسبعة وخمسين من مية. يبقى الإجابة الصحيحة: العدد أربعة وسبعة وخمسين من مية هو ده العدد اللي هيختلف عن الأعداد الأخرى لمّا نقرّبه لأقرب جزء من عشرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.