فيديو: تطبيق ترتيب العمليات الحسابية في المسائل الرياضية

احسب ما يلي: ٧٥ + (٦٠ − ١٠).

٠١:٤٨

‏نسخة الفيديو النصية

احسب ما يلي: خمسة وسبعين زائد بين قوسين ستين ناقص عشرة.

في المقدار اللي قدامنا ده، عندنا أكتر من عملية حسابية. عندنا علامة الزائد، واللي بتعبّر على عملية الجمع. وعندنا كمان علامة الناقص، واللي بتعبّر على عملية الطرح. فيا ترى هنجيب ناتج أنهي عملية حسابية الأول؛ علشان نقدر نحسب المقدار كله؟ علشان كده قبل ما نجاوب، لازم نعرف ترتيب تنفيذ العمليات الحسابية دي.

فأول عملية حسابية المفروض نحسبها، هي العملية اللي بين الأقواس. وتاني عملية هي عملية الضرب والقسمة، ودي مش موجودة في السؤال بتاعنا ده. وتالت عملية هي عملية الجمع والطرح. فهنرجع للسؤال بتاعنا. وأول عملية هنحسبها، هي العملية الموجودة بين الأقواس. فهنطرح دلوقتي ستين ناقص عشرة.

صفر ناقص صفر، بيساوي صفر. وستة ناقص واحد، بيساوي خمسة. فنقدر نكتب دلوقتي، بدل القوسين، العدد خمسين. وبعد كده هننزّل علامة الزائد، ونجمع خمسة وسبعين زائد خمسين. وهي دي تاني عملية هنحسبها، وهي عملية الجمع.

خمسة وسبعين زائد خمسين، يا ترى بيساوي كام؟ هنجمع الآحاد مع الآحاد؛ خمسة زائد صفر، بيساوي خمسة. وهنجمع العشرات مع العشرات؛ سبعة زائد خمسة، بيساوي اتناشر. وبكده هتكون قيمة المقدار: خمسة وسبعين زائد بين قوسين ستين ناقص عشرة، هو العدد مية خمسة وعشرين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.