تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: طرح عددين حتى ٩٩٩

أماني يوسف

_ − ١٠٤ = ٣٨١.

٠١:٤١

‏نسخة الفيديو النصية

نقط ناقص مية وأربعة تساوي تلتمية واحد وتمانين.

عاوزين نكمّل ونعرف العدد اللي موجود مكان النقط ده هو إيه. هناخد مثال صغير أوي علشان نفهم نحلّها إزاي؛ نبصّ كده هنقول إيه: نقط ناقص تلاتة تساوي سبعة، إيه العدد اللي لو شِلنا منه تلاتة يبقى الناتج سبعة؟ عشرة. تمام دي سهلة جدًّا، وحلّيناها بسهولة. طب جِبناها إزاي؟ قلنا إن لو معانا عشرة جنيه، وخدنا منهم تلاتة جنيه، هيتبقى سبعة جنيه. طب جِبناها رياضيًّا إزاي؟ هنلاقي إننا لو جمعنا تلاتة زائد سبعة، الناتج بتاعنا يكون إيه؟ عشرة، وهو ده اللي المطلوب نحطه هنا. اللي عملناه في الجزء ده هو بالظبط اللي هنعمله في السؤال بتاعنا، يبقى هنجمع مية وأربعة زائد تلتمية واحد وتمانين، والناتج اللي هيطلع هنكتبه مكان النقط.

يلّا نبدأ نجمع: أربعة، الآحاد الأول، زائد واحد؛ أربعة زائد واحد خمسة. بعدين نجمع العشرات: صفر زائد تمنية، هي التمنية. بعدين نجمع المئات: واحد زائد تلاتة؛ واحد زائد تلاتة يساوي أربعة. يبقى الناتج اللي طلع هنا هو إيه؟ ربعمية خمسة وتمانين، نكتبه هنا مكان النقط، ربعمية خمسة وتمانين.