فيديو: مقارنة كسرين لهما مقامات مختلفة

أكمل ٤/٥ _ ٧/١ باستخدام< أو = أو >.

٠١:٥٠

‏نسخة الفيديو النصية

أكمل: خمسة على أربعة، نقط، واحد على سبعة؛ باستخدام أصغر من أو يساوي أو أكبر من.

يعني عايزين نشوف مين من الكسرين اللي عندنا دول أكبر، ولّا هم متساويين. الكسرين اللي عندنا دول ليهم مقامات مختلفة، مش هنقدر نقارن بينهم وهم على الشكل ده. يبقى محتاجين نعيد كتابتهم بمقام مشترك موحد. المقام المشترك، أو المضاعف المشترك الأصغر، للعددين أربعة وسبعة، هو تمنية وعشرين. يعني هنوحّد المقامات للكسرين؛ بحيث إن يبقى المقام الجديد تمنية وعشرين.

طيب الأربعة اللي في المقام الأول، عشان تبقى تمنية وعشرين، يبقى ده معناه إن إحنا هنضرب الأربعة في سبعة. يبقى لازم نضرب البسط بتاع الكسر هو كمان في نفس العدد، يعني نضرب خمسة في سبعة. وبكده يبقى الكسر الأول هيبقى خمسة وتلاتين على تمنية وعشرين.

نفس الطريقة هنستخدمها مع الكسر التاني. السبعة اللي في مقام الكسر التاني، عشان تبقى تمنية وعشرين، معناها إن السبعة دي ضربناها في أربعة. يبقى لازم بسط الكسر هو كمان نضربه في نفس العدد، يعني نضربه في أربعة. فيبقى الكسر التاني هيصبح أربعة على تمنية وعشرين.

دلوقتي أصبح عندنا كسرين ليهم نفس المقام، اللي هو تمنية وعشرين. فعشان نقارن بينهم، هنقارن البسط بتاع الكسر الأول، مع البسط بتاع الكسر التاني. بسط الكسر البسط الأول اللي هو خمسة وتلاتين، طبعًا أكبر من بسط الكسر التاني اللي هو أربعة. وبالتالي فيبقى الكسر الأول أكبر من الكسر التاني. يبقى نرجع للشكل اللي عندنا، ويبقى خمسة على أربعة أكبر من واحد على سبعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.