فيديو: الأجزاء من مائة

يوضح الفيديو ما الأجزاء من مائة، وكيفية التعبير بها، وكيفية تحويل الأعداد العشرية إلى كسور والعكس، وأمثلة عليها.

٠٣:٠٨

‏نسخة الفيديو النصية

الأجزاء من مائة.

في الفيديو ده هنتعلم إيه هي الأجزاء من مائة. الأجزاء من مائة بتعبِّر عن أجزاء من مائة جزء متساوي. يعني لو الشكل ده بيعبّر عن واحد كامل. فالجزء الملوَّن منه يعبر عن جزء من مائة. وبنكتبه في جدول القيم المكانية بالشكل ده. ونلاحظ إن ما فيش أجزاء من عشرة في جدول القيم المكانية.

نتنقل لصفحة تانية ونحل مثال.

سأل الاستاذ لطفي مجموعة من الطلاب عن وجبة الغداء المفضلة ليهم. وكانت النتيجة بالشكل ده. فإذا كان عدد الطلاب اللي سألهم مية طالب. فما الكسر المعبِّر عن الطلاب الذين يفضلون الدجاج؟

من الشكل هنلاقي إن عدد الطلاب اللي بيفضلوا الدجاج خمسة وأربعين طالب. وبما إن عدد الطلاب الكلي مية طالب. فممكن نعبر عن الطلاب اللي بيفضلوا الدجاج بالشكل ده. والكسر المعبِّر عن الشكل هو خمسة وأربعين على مية. أو بنقول إنهم خمسة وأربعين جزء من مية. ممكن برضو نعبر عنهم بعدد عشري.

نتنقل لصفحة تانية ونوضَّح في جدول القيم المكانية.

بنكتب الكسر خمسة وأربعين على مية في جدول القيم المكانية بالشكل ده. فده معناه إن العدد العشري المعبِّر عنهم هو خمسة وأربعين من مية.

نتنقل لصفحة تانية.

ممكن نعبر عن الكسور بأعداد عشرية، وعن الأعداد العشرية بكسور. يعني مثلًا لو عاوزين نعبر عن تمنية وتلاتين على مية كعدد عشري. هنعمل ده إزاي؟ هيظهر قدامنا جدول للقيم المكانية. هنكتب جواه العدد. فهيبقى بالشكل ده. يبقى تمنية وتلاتين على مية بتساوي تمنية وتلاتين من مية. طيب لو عاوزين نعبر عن خمسة وسبعين من مية ككسر. فبنفس الطريقة هنكتب خمسة وسبعين من مية في جدول القيم المكانية، فهيبقى بالشكل ده. وده معناه إن خمسة وسبعين من مية هيساوي خمسة وسبعين على مية.

وبكده نبقى خلصنا الفيديو ده، اللي اتعلمنا فيه إيه هي الأجزاء من مائة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.