فيديو: إيجاد قياس زاوية بحل معادلتين خطيتين

إذا كان دﻫﻑﺟ مستطيلًا، ق∠ﻫﻑد = (٣ ﺱ + ٢)°‎، ق∠دﻑﺟ = (٢ ﺱ + ٣)°‎، فأوجد ق∠ﻫﻑد.

٠٣:٤٦

‏نسخة الفيديو النصية

إذا كان د هـ ف ﺟ مستطيلًا، وقياس زاوية هـ ف د تساوي تلاتة س زائد اتنين درجة، وقياس زاوية د ف ﺟ تساوي اتنين س زائد تلاتة درجة، فاوجد قياس زاوية هـ ف د.

زي ما إحنا شايفين كده، بنلاقي عندنا المستطيل د هـ ف ﺟ؛ وبنلاقي إن قياس زاوية هـ ف د اللي إحنا شايفينها دي، واحد، متحدّدة عندنا بدلالة س؛ وبنلاقي إن قياس زاوية د ف ﺟ، الزاوية اللي إحنا شايفينها دي، اتنين، متحدّد أيضًا بدلالة قيمة س. بنلاقي إن بما أن د هـ ف ﺟ مستطيلًا، فإن قياس كل زاوية من زواياه تساوي تسعين درجة؛ وبالتالي بنلاقي إن قياس زاوية هـ ف ﺟ هتساوي تسعين درجة، وكمان بنلاقي إن قياس زاوية هـ ف ﺟ بتساوي قياس زاوية هـ ف د، اللي هي قياس زاوية واحد، زائد قياس زاوية د ف ﺟ؛ وبكده يبقى قياس الزاوية واحد زائد قياس الزاوية اتنين بيساوي تسعين درجة. يبقى بنكتب كده: قياس الزاوية هـ ف د زائد قياس الزاوية د ف ﺟ هيساوي تسعين درجة.

بنعوّض عن قياس الزاويتين بدلالة س، يبقى بنكتب: قياس زاوية هـ ف د بتساوي تلاتة س زائد اتنين زائد … قياس زاوية د ف ﺟ هتساوي اتنين س زائد تلاتة؛ مجموعهم يساوي تسعين.

بنلاقي عندنا تلاتة س واتنين س، بنجمعهم، يبقى مجموعهم خمسة س؛ واتنين زائد تلاتة مجموعهم خمسة؛ يساوي تسعين؛ ومطلوب إيجاد قيمة س.

بنبدأ نفصل المتغير س، وده عن طريق طرح خمسة من الطرفين، بنطرح خمسة من الطرفين، فبنلاقي إن خمسة س هتساوي تسعين ناقص خمسة، يبقى خمسة س هتساوي خمسة وتمانين.

بعد كده هنقسم الطرفين على خمسة، يبقى بنقسم الطرف اليمين على خمسة، وبنقسم الطرف الشمال على خمسة، بنلاقي خمسة في البسط تختصر مع خمسة في المقام. بعد كده بنلاقي خمسة وتمانين على الخمسة، بنلاقي إن الناتج عبارة عن سبعتاشر؛ يبقى قيمة س عندنا هتساوي سبعتاشر درجة.

بعد كده مطلوب إيجاد قياس الزاوية هـ ف د، وهي تساوي تلاتة س زائد اتنين درجة. بنعوّض عن قيمة س بسبعتاشر، يبقى قياس زاوية هـ ف د يساوي تلاتة في سبعتاشر زائد اتنين درجة. باستخدام الآلة الحاسبة، بنلاقي إن قياس زاوية هـ ف د هيساوي تلاتة وخمسين درجة؛ وبكده يبقى حلّينا السؤال وقدرنا نوجد قياس زاوية هـ ف د.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.