فيديو: فك المقادير الجبرية وتبسيطها

فُكَّ المقدار (٢ﺱ − ٣)(٣ﺱ − ٤) − ٢(٤ﺱ − ٥)(٣ﺱ + ١) وبسِّطه.

٠٤:٢٤

‏نسخة الفيديو النصية

فُكَّ المقدار: بين قوسين اتنين س ناقص تلاتة، في بين قوسين تلاتة س ناقص أربعة. ناقص اتنين في بين قوسين أربعة س ناقص خمسة، في بين قوسين تلاتة س زائد واحد. وبسّطه.

عندنا مقادير جبرية ذات حدّين، ومطلوب إننا نبسّطها. هنضرب كل قوسين مع بعض. في البداية، هكتب المقدار الجبري. هفكّ القوسين الأولانيين. هضرب الحدّ الأولاني في الحدّ الأولاني. اتنين س في تلاتة س، يعني ستة س أس اتنين. وبعدين هضرب الحدّ الأولاني في الحدّ التاني. اتنين س في سالب أربعة، يعني سالب تمنية س. وبعدين هضرب الحدّ التاني في الحدّ الأولاني. سالب تلاتة في تلاتة س، يعني سالب تسعة س. وبعدين هضرب الحدّ التاني في الحدّ التاني. سالب تلاتة في سالب أربعة، يعني موجب اتناشر.

وبعدين هكتب سالب اتنين، وهفكّ تاني قوسين بنفس الطريقة. هضرب الحدّ الأولاني في الحدّ الأولاني. أربعة س في تلاتة س، يعني اتناشر س أس اتنين. وبعدين الحدّ الأولاني في الحدّ التاني. أربعة س في واحد، يعني زائد أربعة س. وبعدين هضرب الحدّ التاني في الحدّ الأولاني. سالب خمسة في تلاتة س، يعني سالب خمستاشر س. وبعدين هضرب الحدّ التاني في الحدّ التاني. سالب خمسة في واحد، يعني سالب خمسة.

يعني هيساوي ستة س أس اتنين. وهبسّط. سالب تمنية س ناقص تسعة س، هيساوي سالب سبعتاشر س زائد اتناشر. وبعدين هضرب الاتنين في القوس. يعني اتنين في اتناشر س أس اتنين بسالب؛ لأن فيه إشارة سالبة. سالب أربعة وعشرين س أس اتنين. وسالب اتنين في أربعة س، يعني سالب تمنية س. وسالب اتنين في سالب خمستاشر س، يعني موجب تلاتين س. وأخيرًا سالب اتنين في سالب خمسة، يعني موجب عشرة.

هبتدي أبسّط المقدار الجبري بجمع الحدود المتشابهة. يعني هيساوي … هجمع ستة س أس اتنين، وسالب أربعة وعشرين س أس اتنين، أحطهم بين قوسين. وبعدين زائد … هجمع سالب سبعتاشر س، وسالب تمنية س، وتلاتين س، أحطّهم بين قوسين. سالب سبعتاشر س، ناقص تمنية س، زائد تلاتين س. وأخيرًا هاخد الحدود الثابتة مع بعض؛ اتناشر، وعشرة. يعني زائد اتناشر زائد عشرة بين قوس. يعني هيساوي … عند جمع الحدود المتشابهة بنجمع العوامل. يعني ستة ناقص أربعة وعشرين، يعني سالب تمنتاشر س تربيع. وسالب سبعتاشر ناقص تمنية زائد تلاتين، يعني زائد خمسة، وهكتب س. وأخيرًا اتناشر زائد عشرة هيساوي اتنين وعشرين. يعني زائد اتنين وعشرين.

وبكده هنكون فكّينا المقدار وبسّطناه. وحصلنا على سالب تمنتاشر س أس اتنين، زائد خمسة س، زائد اتنين وعشرين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.