فيديو: إيجاد قياس الزاوية الداخلية لمضلَّع منتظِم

ما قياس الزاوية الداخلة للشكل الخماسي المنتظم؟

٠١:١٠

‏نسخة الفيديو النصية

ما قياس الزاوية الداخلة للشكل الخماسي المنتظم؟

مجموع قياسات الزاوايا الداخلة للمضلع بيساوي ن ناقص اتنين الكل في مية وتمانين؛ حيث ن هو عدد أضلاع المضلع. وبما إن المطلوب هو قياس الزاوايا الداخلة للشكل الخماسي المنتظم، يبقى هنحسب مجموع قياسات الزوايا الداخلة للشكل الخماسي، وده هيساوي … ن هنعوّض عنها بخمسة، يبقى خمسة ناقص اتنين الكل في مية وتمانين، وده هيساوي … خمسة ناقص اتنين بيساوي تلاتة، وتلاتة في مية وتمانين هيساوي خمسمية وأربعين درجة.

وبما إن الشكل خماسي منتظم، فده معناه إن قياسات زواياه متساوية، يبقى قياس الزاوايا الداخلة للشكل الخماسي المنتظم هيساوي خمسمية وأربعين، اللي هو مجموع قياسات الزوايا الداخلة للشكل الخماسي، على خمسة، اللي هو عدد الزاويا، وده هيساوي مية وتمن درجات.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.