تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد محيط شكل باستخدام قواعد التطابُق

أحمد لطفي

إذا كان الخط المستقيم ﺱﺹ محور تماثل المضلع ﺃﺏﺹﺟ د، فاحسب محيط ﺃﺏﺹﺟ د.

٠٢:١٧

‏نسخة الفيديو النصية

إذا كان الخط المستقيم س ص محور تماثل المضلع أ ب ص ج د، فاحسب محيط أ ب ص ج د.

في البداية عشان نقدر نحسب محيط أ ب ص ج د، محتاجين نوجِد جميع أطوال الأضلاع المجهولة؛ يعني محتاجين نوجد طول الضلع د ج، ومحتاجين نوجد طول الضلع ب ص. وبما إن خط التماثُل بيقسم المضلع إلى جزئين متماثلين، فنقدر نستنتج إن د ج هتساوي أ ب، ومُعطى إن أ ب بتساوي ستة سنتيمتر؛ يبقى د ج هتساوي أ ب هتساوي ستة سنتيمتر، يبقى د ج هتساوي ستة سنتيمتر. والضلع ب ص هيساوي ج ص، وبما إن مُعطى إن ج ص بتساوي أربعتاشر سنتيمتر، يبقى ب ص هتساوي ج ص هتساوي أربعتاشر سنتيمتر؛ يبقى الضلع ب ص هيساوي أربعتاشر سنتيمتر، يبقي كده قدرنا نوجد جميع أطوال الأضلاع المجهولة.

وعشان نقدر نحسب محيط الشكل فهنقول إن المحيط هيساوي أ د، زائد د ج، زائد ج ص، زائد ص ب، زائد ب أ، يعني المحيط هيساوي: أ د بتساوي ستة سنتيمتر، زائد د ج بتساوي ستة سنتيمتر، زائد ج ص بتساوي أربعتاشر سنتيمتر، زائد ص ب بتساوي أربعتاشر سنتيمتر، زائد ب أ بتساوي ستة سنتيمتر؛ يعني المحيط هيساوي ستة وأربعين سنتيمتر، ويبقى محيط أ ب ص ج د هيساوي ستة وأربعين سنتيمتر.