فيديو: إيجاد مساحة الدائرة في سياق واقعي

صمَّمت سارة حديقة دائرية صغيرة قطرها ٤٫٧ م. أوجد مساحة الحديقة لأقرب جزء من عشرة.

٠١:٤١

‏نسخة الفيديو النصية

صممت سارة حديقة دائرية صغيرة قُطرها أربعة وسبعة من عشرة متر. أوجد مساحة الحديقة لأقرب جزء من عشرة. يعني معطى عندنا إن سارة بتصمّم حديقة دائرية، يعني على شكل دايرة، والدايرة دي قطرها أربعة وسبعة من عشرة متر.

والمطلوب إننا نوجد مساحة الحديقة. يعني عايزين نوجد مساحة الدايرة. وبما إن معطى عندنا إن قطر الدايرة أربعة وسبعة من عشرة متر؛ فمعنى كده إن نصف قطر الدايرة يساوي أربعة وسبعة من عشرة على اتنين. وبنرمز لنص القطر بـ نق. فبالتالي هيبقى نق بيساوي … هنقسم أربعة وسبعة من عشرة على اتنين، فلمّا هنحسبها هتبقى بتساوي اتنين وخمسة وتلاتين من مية متر. بعد كده عشان نوجد مساحة الحديقة بما إن الحديقة دائرية. فخلينا نفتكر إن مساحة الدايرة بتساوي حاصل ضرب 𝜋 في نق تربيع. وزي ما عرفنا إن نق بتساوي اتنين وخمسة وتلاتين من مية، فهنعوّض بقيمتها علشان نوجد مساحة الدايرة. فهتبقى مساحة الدايرة بتساوي 𝜋 في اتنين وخمسة وتلاتين من مية تربيع. فهنحسبها باستخدام الآلة الحاسبة، وهنعوض عن 𝜋 بقيمتها اللي موجودة على الآلة الحاسبة. فلمّا نحسبها هتبقى بتساوي سبعتاشر وتلات آلاف ربعمية أربعة وتسعين من عشر آلاف. وبما إننا بنوجد مساحة فهتبقى الوحدة هي متر مربع. لكن المطلوب في السؤال إننا نوجد مساحة الحديقة لأقرب جزء من عشرة. فمعنى كده إننا هنقرّب الناتج اللي عندنا ده لأقرب جزء من عشرة، واللي تقريبًا هيساوي سبعتاشر وتلاتة من عشرة. وبالتالي هتبقى مساحة الحديقة لأقرب جزء من عشرة هي سبعتاشر وتلاتة من عشرة متر مربع.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.