فيديو: إيجاد الوسيط لمجموعة بيانات

أوجد الوسيط لمجموعة القيم التالية: ١٣، ٥، ٩، ١٠، ٢، ١٥.

٠١:١٣

‏نسخة الفيديو النصية

أوجد الوسيط لمجموعة القيم التالية: تلتاشر، وخمسة، وتسعة، وعشرة، واتنين، وخمستاشر.

أول خطوة بنعملها عشان نوجد الوسيط لمجموعة من القيم، هي إن إحنا نرتّب القيم دي تصاعديًّا، فهيبقى ترتيبها: اتنين، خمسة، تسعة، عشرة، تلتاشر، خمستاشر.

تاني خطوة عندنا هنشوف عدد القيم اللي عندنا هو عدد زوجي ولا فردي، لو كان عدد فردي فالوسيط في الحالة دي هنوجده مباشرةً، بإنه هيبقى القيمة اللي في المنتصف. أما لو كان عدد القيم الموجودة عدد زوجي، فهنقدر نحسب الوسيط بإنه متوسط القيمتين اللي في المنتصف، خلينا نشوف في المثال اللي عندنا عدد القيم كام، هنلاقي إن عدد القيم اللي عندنا ست قيم يعني عدد زوجي؛ ففي الحالة دي هيبقى الوسيط متوسط القيمتين اللي في المنتصف، اللي هم التسعة والعشرة. فالوسيط هيساوي تسعة زائد عشرة، على اتنين، أو تسعتاشر على اتنين، اللي هيطلع بيساوي تسعة وخمسة من عشرة، هو ده الوسيط لمجموعة القيم المُعطاة في السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.