فيديو: التحويل بين المتر والسنتيمتر والمقارنة بينهما

أكمل باستخدام< أو = أو >: ٩ م _ ٥٧١ سم.

٠١:٥٠

‏نسخة الفيديو النصية

أكمل باستخدام أصغر من، أو يساوي، أو أكبر من: تسعة أمتار، نقط، خمسمية واحد وسبعين سنتيمتر.

عشان نقدر نقارن أيّ كمّيتين ببعض؛ لازم نتأكّد إن ليهم نفس وحدة القياس. إحنا هنا هنلاحظ إن وحدة قياس أحد الكميتين متر، ووحدة قياس الكمية الأخرى سنتيمتر؛ يبقى لازم نخلّيهم الاتنين ليهم نفس الوحدة.

إحنا عارفين إن العلاقة اللي بتربط المتر بالسنتيمتر هي إن الواحد متر بيساوي مية سنتيمتر؛ هنستخدمها عشان نحوّل الكمية اللي موجودة عندنا بالأمتار إلى ما يكافئها بالسنتيمترات. لمّا هنيجي نحوّل من المتر إلى السنتيمتر، هنضرب في مية؛ يبقى التسعة أمتار دول هيبقوا عبارة عن تسعة في مية، يعني تسعمية سنتيمتر. كده حوّلناها إلى ما يكافئها بالسنتيمترات.

دلوقتي نقدر نقارن التسعمية سنتيمتر بخمسمية واحد وسبعين سنتيمتر؛ عشان الاتنين ليهم نفس الوحدة اللي هي السنتيمتر. هنبتدي نقارن كأي عددين، بنبدأ نقارن من القيمة المكانية الأعلى. هنبتدي نقارن من خانة المئات، عندنا تسعة في المئات فوق، وعندنا خمسة في المئات تحت. طبعًا تسعة أكبر من الخمسة؛ يبقى ده معناه إن تسعمية أكبر من خمسمية واحد وسبعين.

يبقى نرجع للعلاقة الأصلية اللي كانت عندنا، أو المقارنة الأصلية اللي كنا المفروض بنجريها. إحنا كنا بنقارن تسعة أمتار بخمسمية واحد وسبعين سنتيمتر، تسعة أمتار اللي هي بعد التحويل كانت تسعمية، دلوقتي ده معناه إن التسعة أمتار هتبقى أكبر من خمسمية واحد وسبعين سنتيمتر؛ يبقى التكملة المناسبة هتبقى علامة أكبر من.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.