فيديو: إيجاد مساحة شكل عن طريق عَدِّ المربعات

أوجد مساحة الشكل المظلَّل. يمثِّل كل مربع سنتيمترًا مربعًا واحدًا.

٠٢:٥٢

‏نسخة الفيديو النصية

أوجد مساحة الشكل المظلل. يمثل كل مربع سنتيمترًا مربعًا واحدًا.

عندنا الشكل المظلل ده عاوزين نعرف مساحته. علشان نعرف مساحته، هنعدّ المربعات اللي بتكوّنه، أو المربعات اللي موجودة فيه. ولازم ناخد في اعتبارنا إن كل مربع بيمثل سنتيمتر مربع واحد، فهنشوف الشكل بتاعنا فيه كام مربع، وعدد المربعات دي هي المساحة المطلوبة. هنعدّ مع بعض: واحد، اتنين، تلاتة، أربعة، خمسة، ستة، سبعة، تمنية، تسعة، عشرة، حداشر، اتناشر، تلتاشر، أربعتاشر، خمستاشر. الشكل فيه خمستاشر مربع كامل.

ولكن دي مش مساحة الشكل بس لسه في أجزاء ما عديناهاش، زي الأجزاء دي: المثلث ده، وده، وده، والمثلث ده، وده، وده، وده. لو عرفنا كمان نعدّ المثلثات دي، يبقى إحنا كده عدينا كل حاجة في الشكل المظلل، وعرفنا نجيب مساحته.

طب إحنا قلنا إن الشكل المظلل بيتكون من مربعات، وده شكل المربع. المربع ده يساوي واحد سنتيمتر، أي واحد وحدة. طيب لو جينا قسمناه بالشكل ده، هنلاقي إنه اتقسم لمثلثين؛ المثلث ده، والمثلث ده. كل مثلث من المثلثين دول بيمثل نص المربع؛ يعني المثلث ده نص سنتيمتر، والمثلث ده نص سنتيمتر، والمربع كله واحد سنتيمتر.

فلو جينا نعدّ الأجزاء الباقية دي، هنعدّ كل مثلثين على إنهم وحدة واحدة؛ لأن كل مثلثين بيكوّنوا واحد سنتيمتر. فهنقول مثلًا إن هنا المثلث ده مع المثلث ده واحد، وعليهم دول يبقى اتنين، ودول تلاتة، وده لوحده نص؛ يبقى الخمستاشر زوّدنا عليها تلاتة ونص، هيكون الناتج النهائي تمنتاشر ونص. تمنتاشر ونص سنتيمتر مربع هي دي مساحة الشكل المظلل.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.