فيديو: حل المسائل الكلامية بطرح عددين كسريين مركَّبين

تريد ندى حساب وزن كلبها، فوقفت ندى على الميزان وقرأت وزنها الذي كان ٨/٥ ١٣١ رطلًا. بلغ إجمالي وزن ندى ووزن الكلب ٨/٧ ١٤٧ رطلًا. ما وزن كلبها؟

٠١:٤٦

‏نسخة الفيديو النصية

تريد ندى حساب وزن كلبها، فوقفت ندى على الميزان وقرأت وزنها الذي كان مية واحد وتلاتين وخمسة على تمنية رطلًا. بلغ إجمالي وزن ندى ووزن الكلب مية سبعة وأربعين وسبعة على تمنية رطلًا. ما وزن كلبها؟

السؤال بيقول لنا إن ندى عايزة تحسب وزن كلبها. فوقفت ندى على الميزان وقرأت وزنها الذي كان مية واحد وتلاتين وخمسة على تمنية رطلًا. وبعدين وزنت ندى نفسها هي والكلب بتاعها، فكان وزنهم هم الاتنين مع بعض مية سبعة وأربعين وسبعة على تمنية رطلًا. ومطلوب منّنا في السؤال نعرف وزن الكلب لوحده بيساوي كام.

ببساطة هنطرح وزن ندى مع الكلب ناقص وزن ندى لوحدها. يبقى وزن الكلب هيساوي مية سبعة وأربعين وسبعة على تمنية، ناقص مية واحد وتلاتين وخمسة على تمنية. طيّب هنعرف نطرح العددين الكسريين دول من بعض إزَّاي؟ طالما المقامات هنا متشابهة يبقى هنعرف نطرحهم عادي.

طريقة طرح الأعداد الكسرية إذا تشابهت المقامات؛ أول حاجة هنعملها هنطرح الكسر الأول ناقص الكسر التاني. سبعة ناقص خمسة بيساوي اتنين. وبعدين هننزّل المقام زيّ ما هو؛ يعني هنكتب هنا في المقام تمنية. وآخِر حاجة هنعملها هنطرح المية سبعة وأربعين ناقص المية واحد وتلاتين. مية سبعة وأربعين ناقص مية واحد وتلاتين بيساوي ستاشر.

الاتنين على التمنية عشان نبسّطها أكتر، هنقسم البسط والمقام على اتنين. اتنين على الاتنين فيها الواحد، وتمنية على الاتنين فيها الأربعة. يعني هتساوي ستاشر وواحد على أربعة.

وبكده يبقى وزن الكلب بيساوي ستاشر وواحد على أربعة رطلًا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.