فيديو: كتابة معادلات جمع ذات مجهول في المسائل الكلامية التي تتضمَّن أعدادًا حتى ٢٠

فريدة لديها مجموعة من الألعاب؛ ١١ سيارة، وبعض القوارب. إجمالي ما لديها ١٥ لعبة. اكتب جملة الجمع التي توضح ذلك باستخدام ؟ للدلالة على عدد القوارب. [أ] ١١ + ١٥ = ؟ [ب] ١٥ + ؟ = ١١ [ج] ٤ + ؟ = ١٥ [د] ١١ + ؟ = ١٥ [ﻫ] ؟ + ٤ = ١١

٠٢:٢٨

‏نسخة الفيديو النصية

فريدة لديها مجموعة من الألعاب؛ حداشر سيارة، وبعض القوارب. إجمالي ما لديها خمستاشر لعبة. اكتب جملة الجمع التي توضّح ذلك باستخدام علامة الاستفهام للدلالة على عدد القوارب. وعندنا مجموعة جُمل جمع: حداشر زائد خمستاشر تساوي علامة استفهام. خمستاشر زائد علامة استفهام تساوي حداشر. أربعة زائد علامة استفهام تساوي خمستاشر. حداشر زائد علامة استفهام تساوي خمستاشر. علامة استفهام زائد أربعة تساوي حداشر.

فيه بنت اسمها فريدة عندها مجموعة من الألعاب، فيها سيارات أو اللي هي العربيات اللعبة، والقوارب أو اللي هي المراكب اللعبة. طيب، فريدة عندها كام سيارة؟ عندها حداشر سيارة، أهو قايل لنا في المسألة أو في السؤال حداشر سيارة. طيب وإيه تاني؟ عندها كام قارب؟ قال لنا في السؤال هنوضّح عدد القوارب باستخدام علامة الاستفهام. يبقى علامة الاستفهام دي هي اللي بتدُل على عدد الإيه؟ القوارب، فيبقى عدد القوارب هنحط قصاده علامة استفهام. طيب إيه تاني معلومات عندنا؟ إجمالي ما لديها، الإجمالي يعني كل اللعب السيارات والقوارب وكله، إجمالي اللي عند فريدة، كام لعبة؟ خمستاشر لعبة. دي كده المعلومات اللي إحنا طلعناها من السؤال.

نبدأ بقى نشوف هنكتب جملة الجمع إزاي. دلوقتي لمّا كل اللعب اللي مع فريدة خمستاشر، الخمستاشر دول عبارة عن إيه؟ عبارة عن قوارب وعبارة عن سيارات؛ فده معناه إننا لو جمعنا السيارات اللي هم الحداشر، على القوارب اللي هم علامة الاستفهام، هيدينا كل اللعب اللي مع فريدة اللي هم الخمستاشر لعبة. كده إحنا كتبنا جملة الجمع اللي بتوضّح القصة اللي إحنا حكيناها. طيب جملة الجمع دي هي أي اختيار من الاختيارات؟ لو بصينا على الاختيارات، هنلاقي إن هي الاختيار ده، حداشر زائد علامة استفهام تساوي خمستاشر، وتبقى هي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.