فيديو: حساب قيمة الوسط الحسابي لمجموعة بيانات تتضمَّن أعدادًا عشرية

يوضح الجدول عدد المشتركين في بعض شركات تقديم خدمات الإنترنت. ما متوسط عدد المشتركين في هذه الشركات؟

٠١:٤٤

‏نسخة الفيديو النصية

يوضح الجدول عدد المشتركين في بعض شركات تقديم خدمات الإنترنت. ما متوسط عدد المشتركين في هذه الشركات؟ ومُعطى عندنا الجدول، وبيوضح إن الشركة أ عدد المشتركين فيها واحد وخمسة وستين من مية مليون، والشركة ب عدد المشتركين فيها واحد وستاشر من مية مليون، والشركة ج عدد المشتركين فيها واحد وتسعة من عشرة مليون. والمطلوب في السؤال إننا نوجد متوسط عدد المشتركين في هذه الشركات.

فمعنى كده إننا عندنا مجموعة من البيانات، وعايزين نوجد لها الوسط الحسابي أو المتوسط الحسابي. وخلينا نفتكر إن الوسط الحسابي أو المتوسط الحسابي لمجموعة من البيانات هو مجموع البيانات مقسومًا على عددها؛ فبالتالي هيبقى متوسط عدد المشتركين هيساوي مجموع البيانات؛ اللي هو واحد وخمسة وستين من مية، زائد واحد وستاشر من مية، زائد واحد وتسعة من عشرة؛ على عدد البيانات اللي هو عندنا تلاتة.

فهنجمع مجموع البيانات اللي عندنا في البسط، فهيبقى بيساوي أربعة وواحد وسبعين من مية، على عدد البيانات اللي هو تلاتة. بعد كده هنقسم أربعة وواحد وسبعين من مية على تلاتة، فلما نحسبها هتساوي واحد وسبعة وخمسين من مية. وبما إن عدد المشتركين عندنا في الجدول مُعطى بالملايين؛ فبالتالي هيبقى متوسط عدد المشتركين هو واحد وسبعة وخمسين من مية مليون.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.