فيديو: إيجاد محيط شكل مُعطًى عن طريق عَدِّ مربعات الوحدة

أوجد محيط المساحة الملوَّنة بالشكل الموضح.

٠٣:٠٦

‏نسخة الفيديو النصية

أوجد محيط المساحة الملوّنة بالشكل الموضح.

عندنا الشكل الأصفر ده عاوزين نعرف إيه هو محيطه. محيط الشكل هو المسافة اللي بتحوّط الشكل؛ يعني لو جبنا طول الضلع ده، وطول الضلع ده، وطول الضلع ده، وده، وده، وده، وجمعناهم كلهم على بعض؛ يبقى إحنا كده جبنا محيط الشكل، أو محيط المساحة الملوّنة قدامنا دي.

فدلوقتي هنبدأ نجيب طول كل ضلع ونجمعهم. نبدأ بالضلع الأول ونعد، واحد اتنين تلاتة أربعة خمسة ستة، يبقى طول الضلع الأول ست وحدات، زائد … نعد اللي بعده، واحد اتنين تلاتة، يبقى اللي بعده تلاتة، يبقى إحنا كده جبنا ده ستة وده تلاتة، ونكمل عد، واحد اتنين تلاتة، الجزء ده كمان تلاتة، يبقى نعمل هنا زائد تلاتة، ونكمل الجزء ده واحد اتنين تلاتة أربعة خمسة، يبقى الجزء بخمسة، هنقول زائد خمسة، ونكمل واحد اتنين تلاتة، الجزء ده يساوي تلاتة، نجمع زائد تلاتة، وآخر جزء واحد اتنين تلاتة أربعة خمسة ستة سبعة تمنية، آخر جزء إيه؟ تمنية، يبقى نقول في الآخر زائد تمنية.

كده إحنا حاوطنا الشكل، بدأنا من النقطة دي، وانتهينا عندها، حاوطنا الشكل ولفّينا حواليه وجبنا أطوال أضلاعه. نبدأ بقى نجمّعها، هنجمع مثلًا تلاتة زائد تلاتة بستة، يبقى هنا ستة، زائد ستة، الستة دي نزلناها، والستة دي اللي هي تلاتة زائد تلاتة، بعدين زائد … خمسة زائد تلاتة تمنية، يبقى ننزّل مكانهم تمنية، زائد التمنية دي تنزل تمنية. بعدين نجمّع ستة زائد ستة اتناشر، زائد … تمنية زائد تمنية ستاشر. بعدين نجمع آخر حاجة اتناشر زائد ستاشر تمنية وعشرين. يبقى محيط الشكل اللي قدامنا تمنية وعشرين وحدة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.