فيديو: قراءة البيانات من التمثيل بالنِّقاط

يوضح الرسم التالي أوزان جميع الكلاب في أحد ملاجئ الكلاب. هل يوجد ٣٥ كلبًا في الملجأ؟

٠١:١٦

‏نسخة الفيديو النصية

يوضح الرسم التالي أوزان جميع الكلاب في أحد ملاجئ الكلاب. هل يوجد خمسة وتلاتين كلبًا في الملجأ؟

ومعطى عندنا الرسمة اللي قدامنا. وهنلاحظ إن اللي مكتوب هنا على خط الأعداد هي الأوزان بالكيلوجرام. وأمّا علامات الإكس اللي عندنا هنا، فهي بتمثّل عدد الكلاب. يعني من الرسم مثلًا هنلاحظ إن الكلاب اللي وزنها تلاتة وعشرين كيلوجرام، عددهم اتنين. وبنفس الطريقة الكلاب اللي وزنهم سبعة وعشرين كيلوجرام، هيبقى عددهم ستة. يعني هنعدّ علامات الإكس اللي موجودة فوق كل وزن.

فبالتالي علشان نحدّد عدد الكلاب كلها اللي في الملجأ، يبقى هنعدّ علامات الإكس اللي موجودة عندنا عَ الرسم. وممكن نكتب عدد الكلاب اللي موجود فوق كل وزن بالشكل ده. فبالتالي علشان نوجد عدد الكلاب كلها، يبقى هنجمع الأعداد اللي موجودة عندنا. يعني هنجمع تلاتة زائد أربعة زائد خمسة زائد خمسة زائد خمسة زائد اتنين زائد أربعة زائد واحد زائد ستة زائد اتنين. فلمّا نجمعهم، هيبقى المجموع بيساوي سبعة وتلاتين؛ وبالتالي هيبقى عدد الكلاب هو سبعة وتلاتين كلبًا.

وبالتالي هتبقى إجابة السؤال «هل يوجد خمسة وتلاتين كلبًا في الملجأ؟» هي: لا؛ لأن عدد الكلاب سبعة وتلاتين مش خمسة وتلاتين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.