فيديو: استخدام النسب المثلثية لإيجاد قياسات الزوايا في المثلثات قائمة الزاوية

أوجد ق∠ﺏﺃﺟ لأقرب ثانية.

٠١:٣٩

‏نسخة الفيديو النصية

أوجد قياس زاوية ب أ ج، لأقرب ثانية.

عندنا في المثال شكل. الشكل ده عبارة عن مثلث قائم الزاوية في ب. وعايزين نوجد قياس زاوية ب أ ج، لأقرب ثانية. ومعطى من خلال الشكل اللي عندنا، طول ضلع القايمة ب ج، وهو عشرة سنتيمتر. وكمان معطى طول الوتر أ ج، وهو أربعتاشر سنتيمتر.

وبالنسبة للمثلث اللي عندنا، اللي هو المثلث أ ب ج، القائم الزاوية في ب، هنلاقي إن الضلع ب ج، هو المقابل للزاوية ب أ ج. أمّا الضلع أ ج، فهو الوتر في المثلث القائم. وبالنسبة لِـ جا قياس زاوية ب أ ج، فهو يساوي المقابل على الوتر. معنى كده إن جا قياس زاوية ب أ ج، يساوي عشرة على أربعتاشر. يعني يساوي خمسة على سبعة.

كده إحنا أوجدنا جا قياس زاوية ب أ ج. وعلشان نوجد قياس زاوية ب أ ج، هنستخدم الدالة العكسية لِـ جا خمسة على سبعة. معنى كده إن هيبقى قياس زاوية ب أ ج، يساوي الدالة العكسية لِـ جا خمسة على سبعة. وباستخدام الآلة الحاسبة، هنوجد الدالة العكسية لِـ جا خمسة على سبعة. فهنلاقي قياس زاوية ب أ ج، لأقرب ثانية، تقريبًا يساوي خمسة وأربعين درجة، وخمسة وتلاتين دقيقة، وخمس ثواني.

وبكده يبقى إحنا أوجدنا قياس زاوية ب أ ج، لأقرب ثانية. وهو تقريبًا يساوي خمسة وأربعين درجة، وخمسة وتلاتين دقيقة، وخمس ثواني. وهو ده المطلوب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.