فيديو: النموذج التجريبي الأول • الإستاتيكا • ٢٠١٩ • السؤال الأول

النموذج التجريبي الأول • الإستاتيكا • ٢٠١٩ • السؤال الأول

٠٢:١٧

‏نسخة الفيديو النصية

في الشكل الموضح، إذا كانت مجموعة القوى مستوية ومتزنة، فأوجد قيمة ك بالنيوتن.

عندنا في الشكل اللي قدامنا تلات قوى؛ ستة، وَ ك، وَ ق نيوتن. القوى دي كلها في نفس المستوى مستوية، وفي حالة اتزان. وكمان التلات قوى دول متعامدين على أ ب. معنى كده إن التلات قوى دول متوازية. ومطلوب منّنا نعرف قيمة القوة ق. فنقول بما أن القوى متوازية ومستوية وفي حالة اتزان … فيَنتج لنا من شروط توازن القوى المستوية المتوازية، إن مجموع القياسات الجبرية لعزوم القوى حول أي نقطة في مستويها يساوي صفر.

يعني لو خدنا أي نقطة في نفس مستوى القوة دي، وحسبنا مجموع العزوم حواليها، هيطلع بيساوي الصفر. وإحنا مطلوب عندنا إيجاد قيمة القوة ك. والقوة ق هنا مجهولة مش عارفين قيمتها. فهنبدأ نحسب عزوم القوى حوالين النقطة ب ونساويه بالصفر، علشان ما نضطرش نعوّض عن قيمة القوة ق اللي إحنا مش عارفين قيمتها. يعني هنقول إن ج ب بتساوي الصفر.

أول قوة هنبدأ بيها هي القوة ستة نيوتن. اتجاه دوران خط عمل القوة ستة نيوتن حوالين النقطة ب، في عكس اتجاه دوران عقارب الساعة؛ يعني إشارته موجبة. والبُعد بين خط عمل القوة دي والنقطة ب، هو طول أ ب كله، اللي هو خمسين سنتيمتر. فنقول ستة في خمسين. أما القوة ك، فاتجاه دوران خط عمل القوة ك حوالين النقطة ب، في نفس اتجاه دوران عقارب الساعة؛ يعني إشارتها سالبة. والبُعد العمودي من خط عمل القوة ك والنقطة ب، هو طول ب ج، اللي هو تلاتين سنتيمتر. فيبقى عندنا سالب ك في تلاتين. المجموع ده كله بيساوي الصفر. يبقى عندنا تلاتين ك بتساوي تلتمية. وبقسمة الطرفين على تلاتين، يبقى القوة ك بتساوي عشرة نيوتن. وهي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.