فيديو: المقارنة بين تنسيقات الزمن المختلفة

وصلت ندى إلى السينما في الساعة ١٦:٤٠، ووصل صديقها شادي في الساعة ٤:٣٥ مساءً. من وصل أولًا؟

٠١:٤٧

‏نسخة الفيديو النصية

وصلت ندى إلى السينما في الساعة ستاشر وأربعين دقيقة، ووصل صديقها شادي في الساعة أربعة وخمسة وتلاتين مساءً. مَنْ وصل أولًا؟

عندنا البنت دي اسمها ندى، والولد ده اسمه شادي. ندى وصلت السينما الساعة ستاشر وأربعين دقيقة؛ أمّا شادي وصل الساعة أربعة وخمسة وتلاتين دقيقة مساءً. مين اللي وصل الأول؟ من وصل أولًا؟ ندى ولّا شادي؟

لمّا نقول إن ندى وصلت الساعة ستاشر وأربعين دقيقة، بيكون قصدنا إن ندى وصلت الساعة أربعة وأربعين دقيقة مساءً. أمّا شادي وصل أربعة وخمسة وتلاتين دقيقة مساءً، اللي هو ساعة العصر كده. طيب مين اللي وصل الأول؟ يعني مين اللي وصل قبل التاني؟

لو جينا نبصّ على شادي هنلاقيه وصل والساعة أربعة وخمسة وتلاتين دقيقة؛ يعني ونصّ وخمسة. لكن ندى وصلت أربعة وأربعين دقيقة؛ يعني خمسة إلّا تلت. مين الصغيّر؟ الخمسة وتلاتين ولّا الأربعين؟ الخمسة وتلاتين هي الصغيرة. فده معناه إن اللي وصل في الوقت ده هو اللي وصل بدري أو هو إلى وصل الأول. طب مين اللي وصل في الوقت ده؟ شادي هو اللي وصل في الوقت ده.

يبقى الإجابة هنا: شادي هو اللي وصل قبل ندى، ووصل قبلها بخمس دقايق؛ عشان الفرق بين خمسة وتلاتين وأربعين خمس دقايق.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.