فيديو: تسمية شكل مُعطى

ما اسم هذا الشكل؟ [أ] دائرة [ب] نجمة [ج] مربع [د] مثلث [ﻫ] مستطيل [و] علامة زائد

٠١:٣١

‏نسخة الفيديو النصية

ما اسم هذا الشكل؟ عاوزين نعرف الشكل اللي قدامنا ده اسمه إيه. دائرة، نجمة، مربع، مثلث، مستطيل، علامة زائد.

الشكل اللي قدامنا ده شكل رباعي، يعني له أربع أضلاع. والأربع أضلاع بتوعه دول كلهم قَدّ بعض؛ يعني أضلاعه متساوية. فلو جينا نبص على الاختيارات، هنلاقي إن أول اختيار دائرة ده مش اختيار صحيح؛ لأن الدائرة ما لهاش أربع أضلاع. وبرضو مش نجمة؛ لأن النجمة ليها أكتر من أربع أضلاع. لكن ممكن يكون مربع. بس استحالة يكون مثلث؛ لأن المثلث له تلات أضلاع بس. وبرضو ممكن يكون مستطيل؛ لأن المستطيل له أربع أضلاع. بس استحالة يكون علامة زائد.

طيب دلوقتي إحنا محتارين بين المربع وبين المستطيل. إحنا قلنا إن الشكل اللي قدامنا ده له أربع أضلاع. المربع له أربع أضلاع، والمستطيل له أربع أضلاع. بس الأربع أضلاع دول متساوية. يبقى الشكل اللي قدامنا ده مربع؛ لأن المربع هو اللي أضلاعه كلها متساوية، على عكس المستطيل له طول وله عرض. فده معناه إننا هنستبعد المستطيل، ونختار المربع. وتبقى هي دي الإجابة الصح: مربع.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.