فيديو: حل المعادلات الخطية التي تتضمَّن نِسَبًا

أوجد قيمة س: ٢١ = ٢/١ ١ س

٠١:٢٢

‏نسخة الفيديو النصية

اوجد قيمة س: واحد وعشرين يساوي واحد، وواحد على اتنين، س.

مطلوب في السؤال إني أحل المعادلة، وأجيب قيمة س. المعادلة هي إن واحد وعشرين هيساوي واحد، وواحد على اتنين، س. في البداية هحوّل العدد الكسري إلى كسر. هضرب اتنين في واحد هيساوي اتنين. وبعدين أجمع واحد، يعني هيساوي تلاتة. يعني أقدر أقول إنه تلاتة على اتنين س هيساوي واحد وعشرين.

في البداية عشان أتخلص من اتنين اللي في المقام، هضرب طرفَي المعادلة في اتنين. يعني أقدر أقول إنه اتنين في واحد وعشرين هيساوي اتنين في، تلاتة على اتنين، س. هختصر اتنين في البسط مع اتنين في المقام. يعني أقدر أقول إنه اتنين في واحد وعشرين باتنين وأربعين، هيساوي تلاتة س.

عشان أتخلص من معامل الـ س، اللي هو تلاتة، هقسم طرفَي المعادلة على تلاتة. يعني أقدر أقول إنه اتنين وأربعين على تلاتة هيساوي تلاتة س، على تلاتة. هختصر تلاتة في البسط مع تلاتة في المقام. يعني أقدر أقول إنه س هتساوي … اتنين وأربعين على تلاتة يعني هتساوي أربعتاشر. وبكده أقدر أقول إن قيمة س هي أربعتاشر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.