تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: حل المعادلات الجذرية

أحمد لطفي

إذا كان ؆(جذر ﺱ + ٣٤) = ٤، فأوجد قيمة ﺱ.

٠١:٣٤

‏نسخة الفيديو النصية

إذا كان الجذر التكعيبي للجذر التربيعي لـ س زائد أربعة وتلاتين بيساوي أربعة، فاوجد قيمة س.

في البداية عشان نقدر نوجد قيمة س، أول خطوة محتاجين نتخلّص من الجذر التكعيبي. فهنقول بتكعيب الطرفين، هيكون عندنا تكعيب الجذر التكعيبي هيساوي ما بداخل الجذر التكعيبي، اللي هو الجذر التربيعي لـ س زائد أربعة وتلاتين. هيساوي أربعة أُس تلاتة. فيبقى عندنا الجذر التربيعي لـ س زائد أربعة وتلاتين هيساوي … أربعة أُس تلاتة بتساوي أربعة وستين.

هنطرح أربعة وتلاتين من الطرفين، فهيكون عندنا الجذر التربيعي لـ س هيساوي أربعة وستين ناقص أربعة وتلاتين. يعني الجذر التربيعي لـ س هيساوي تلاتين.

عشان نوجد قيمة س، محتاجين نتخلص من الجذر التربيعي. وبالتالي هنقول بتربيع الطرفين. فتربيع الجذر التربيعي هيساوي ما بداخل الجذر التربيعي، اللي هو س. هيساوي تلاتين تربيع. يعني س هتساوي تلاتين تربيع. يعني س هتساوي تسعمية. وبالتالي قيمة س بتساوي تسعمية.