فيديو: القسمة على ٦ وعلى ٧

يوضِّح الفيديو طريقة القسمة على ٦ وعلى ٧ باستعمال النماذج وطرق أخرى.

٠٤:٤٥

‏نسخة الفيديو النصية

هنتكلم عن القسمة على ستة، وعلى سبعة. هنستعمل الشبكات والطرح المتكرر، لإيجاد ناتج القسمة على ستة، وعلى سبعة. هبتدي الشرح بالمثال التالي. مثال: وَضع أحمد ستة أطباق على كل طاولة لتناوُل الطعام. إذا وَضع أربعة وعشرين طبق على الطاولات، فما عدد الطاولات التي وَضع عليها الأطباق؟

عشان أجيب عدد الطاولات، هجيب ناتج قسمة أربعة وعشرين على ستة. أو باستعمال رمز القسمة التاني، أربعة وعشرين على ستة. هنستعمل الشبكات عشان نجيب ناتج قسمة أربعة وعشرين على ستة. هنلاحظ إن الشبكة بتساعد على ربط القسمة بالضرب. كل طاولة بيمثّلها عمود في الشبكة. وبيحتوي على ست أطباق. هكوّن الشبكة. كل عمود هيكون فيه ست قطع. هلاحظ إني حصلت على أربع أعمدة. يعني عدد الطاولات أربعة. وبكده أقدر أقول إنه أربعة وعشرين على ستة، هيساوي أربعة. أو باستعمال رمز القسمة التاني، أربعة وعشرين على ستة، هيساوي أربعة.

عشان نتأكد، هنستعمل خط الأعداد. هبتدي بالعدد أربعة وعشرين، وكل مرة هرجع ست عدّات، لحدّ ما أوصل للصفر. إذن أربعة وعشرين على ستة، هيساوي أربعة. نفس الناتج اللي حصلت عليه. وبكده الإجابة صحيحة.

هنكمل في الصفحة اللي جاية. مثال: قرأتْ هند تمنية وعشرين قصة في سبع شهور. إذا كانت تقرأ عدد متساوي من القصص كل شهر، فكم قصة كانت تقرأ في الشهر؟

عشان نجيب عدد القصص اللي قرِتها هند كل شهر، هنجيب ناتج قسمة تمنية وعشرين على سبعة. أو باستعمال رمز القسمة التاني، تمنية وعشرين على سبعة. هنستعمل الطرح المتكرر. هبتدي بالعدد تمنية وعشرين، وهطرح كل مرة سبعة، لحدّ ما أوصل للصفر. هلاحظ إني طرحت العدد سبعة أربع مرات، لحدّ ما وصلت لصفر. وبكده أقدر أقول إن ناتج قسمة تمنية وعشرين على سبعة، هيساوي أربعة. أو باستعمال رمز القسمة التاني، تمنية وعشرين على سبعة، هيساوي أربعة. يعني هند كانت بتقرا أربع قصص في الشهر.

هنكمل في الصفحة اللي جاية. مثال: مع معلم، واحد وعشرين ورقة امتحان عايز يصحّحها. إذا كان عايز يصحّح عدد متساوي من الأوراق في سبع ساعات، فكم عدد الأوراق اللي هيصحّحها كل ساعة؟

عشان نجيب عدد الأوراق اللي هيصحّحها المعلم كل ساعة، هنجيب ناتج قسمة واحد وعشرين على سبعة. أو باستعمال رمز القسمة التاني، واحد وعشرين على سبعة. هنستعمل حقائق الضرب المترابطة، عشان نجيب ناتج القسمة. هنفكر إزاي؟ هنقول واحد وعشرين على سبعة، هيساوي كام؟ يعني سبعة في كام هيساوي واحد وعشرين؟ يعني هنفكر، إيه العدد اللي هنضربه في سبعة، عشان يكون ناتج الضرب واحد وعشرين.

هنلاحظ إن سبعة في تلاتة، هيساوي واحد وعشرين. وبكده أقدر أقول إنه ناتج قسمة واحد وعشرين على سبعة، هيساوي تلاتة. أو باستعمال رمز القسمة التاني، واحد وعشرين على سبعة، هيساوي تلاتة. يعني أقدر أقول إن المعلم هيصحح تلات أوراق كل ساعة.

هنكمل في الصفحة اللي جاية. تدريبات: استعمِل الشبكات، أو الطرح المتكرر، أو الحقائق المترابطة لإيجاد ناتج القسمة. رقم واحد: تمنتاشر على ستة. هنستعمل الشبكات. هنكوّن أعمدة، كل عمود مكوّن من ست قطع. العمود الأولاني، هكمّل لحدّ ما أوصل لتمنتاشر قطعة عدّ. هلاحظ إني حصلت على تلات أعمدة، زيّ ما هو موضّح قدامي. وبكده أقدر أقول إن ناتج قسمة تمنتاشر على ستة، هيساوي تلاتة.

سؤال رقم اتنين: خمسة وتلاتين على سبعة. هنستعمل الطرح المتكرر. هبتدي بالعدد خمسة وتلاتين، وكل مرة هطرح سبعة، لحدّ ما أوصل لصفر. هلاحظ إني طرحت العدد سبعة خمس مرات، لحدّ ما وصلت لصفر. وبكده أقدر أقول إنه خمسة وتلاتين على سبعة، هيساوي خمسة.

سؤال رقم تلاتة: تلاتين على ستة. هنستعمل الحقائق المترابطة. هنفكر إزاي؟ هنقول تلاتين على ستة، هيساوي كام؟ هفكر، ستة في كام هيساوي تلاتين؟ يعني إيه العدد اللي هضربه في ستة، عشان يكون ناتج الضرب تلاتين؟ هلاحظ إن حاصل ضرب ستة في خمسة، هيساوي تلاتين. وبكده أقدر أقول إنه تلاتين على ستة، هيساوي خمسة.

وبكده هنكون اتعلّمنا إزاي نستعمل الشبكات، والطرح المتكرر، وحقائق الضرب المترابطة، في إيجاد ناتج القسمة على ستة، وعلى سبعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.