فيديو: جمع عددين حتى ٩٩٩

زار ٦٨٦ سائحًا المتحف المصري في يوم الأحد، وزاره ١٢٦ سائحًا يوم الإثنين. كم سائحًا زاروا المتحف في اليومين؟

٠٢:٢١

‏نسخة الفيديو النصية

زار ستمية ستة وتمانين سائحًا المتحف المصري في يوم الأحد، وزاره مية ستة وعشرين سائحًا يوم الاثنين. فكم سائحًا زاروا المتحف في اليومين؟

عرفنا في المثال ده إن عدد السياح اللي زاروا المتحف يوم الأحد كانوا ستمية ستة وتمانين سائحًا، وعدد السياح اللي زاروا المتحف في يوم الاثنين كانوا مية ستة وعشرين سائحًا. وعلشان نعرف عدد السياح اللي زاروا المتحف في يوم الأحد ويوم الاتنين مع بعض، هنبدأ نجمع العدد ستمية ستة وتمانين والعدد مية ستة وعشرين.

وعلشان نقدر نجمع بسهولة هنكتب العددين تحت بعض بشكل رأسي، ونبدأ نجمع الأرقام الموجودة في خانة الآحاد مع بعضها، والأرقام الموجودة في خانة العشرات مع بعضها، والأرقام الموجودة في خانة المئات مع بعضها. وهنبدأ بخانة الآحاد؛ ستة زائد ستة بيساوي اتناشر، العدد اتناشر هو عدد مكوّن من رقمين، بنكتب تحت خانة الآحاد الرقم الأول اللي هو اتنين، والرقم التاني بنكتبه فوق الخانة اللي بعدها علشان نجمعه مع أرقام الخانة اللي بعدها، فهنبدأ بخانة العشرات ونجمع واحد زائد تمنية زائد اتنين، هنلاقي إنه بيساوي حداشر، والعدد حداشر برضو مكوّن من رقمين، هنكتب الرقم الأول تحت خانة العشرات، والرقم التاني هنضيفه للخانة اللي بعدها، ونبدأ نجمع أرقام الخانة اللي بعدها مع بعضها، فهنجمع الأرقام الموجودة في خانة المئات، وهي واحد زائد ستة زائد واحد، واللي بتساوي تمنية.

معنى كده إن عدد السياح اللي زاروا المتحف في اليومين، هو حاصل جمع العدد ستمية ستة وتمانين زائد العدد مية ستة وعشرين، واللي لقينا إنه بيساوي تمنمية واتناشر سائحًا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.