فيديو: التحقُّق من التطابُق بين مضلَّعين مُعطيين

حدّد هل الشكلان متطابقان، أم غير متطابقين؟

٠١:٢٧

‏نسخة الفيديو النصية

حدّد هل الشكلان متطابقان، أم غير متطابقين؟

هو إمتى الشكلين بيتطابقوا؟ الشكلين بيكونوا متطابقان لمّا يبقوا قدّ بعض، وشكل بعض بالظبط. طيب لو جينا نبصّ على الشكل الأول ده، هنلاقيه شكل سداسي. طيب الشكل التاني؟ برضو سداسي. ده كفاية؟ لأ مش كفاية، لازم كمان تكون أطوال أضلاعهم متساوية. طيب هي العلامات الزرقا دي معناها إيه؟ إن أطوال أضلاعه كلها بتساوي بعض. طب والشكل التاني؟ برضو بتساويهم؛ لأن برضو الشكل التاني فيه علامات إيه؟ زرقا؛ يبقى كده الشكلين قدّ بعض بالظبط.

طيب علشان برضو نتأكد إن هم قدّ بعض بالضبط، هنحاول نطبّقهم أو نحطّهم على بعض. إزاي؟ هنحرّكهم شوية جنب بعض، ونشوف هيتطابقوا على بعض بالظبط، ولّا لأة. اتطابقوا على بعض بالظبط. ما بقاش فيه واحد أكبر من التاني، ولا واحد أصغر من التاني. فده معناه إن الشكلين دول متطابقان. هي دي الإجابة الصح، متطابقان.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.