فيديو: الضرب في ٣

يوضح الفيديو ما الضرب، وكيفية ضرب الأعداد في ٣ باستخدام النماذج، وأمثلةً عليها.

٠٥:٥٢

‏نسخة الفيديو النصية

دلوقتي هنتكلّم عن الضرب في تلاتة. الضرب هو عملية على عددين يمكن وصفها بأنها جمع متكرّر. والإشارة دي معناها الضرب. هبتدي الشرح بالمثال التالي.

عند حسين أربع دجاجات، ولكل دجاجة تلات كتاكيت. فما عدد الكتاكيت كلها؟

عشان نجيب عدد الكتاكيت كلها محتاجين نجيب ناتج ضرب أربعة في تلاتة. هنستعمل قِطَع العدّ. عندي أربع مجموعات، في كل مجموعة تلات قِطَع. وبكده أقدر أقول إنه الأربع مجموعات: آدي المجموعة الأولى، وبعدين المجموعة التانية، المجموعة التالتة، والمجموعة الرابعة. هلاحظ إنه عدد القِطَع هيساوي تلاتة زائد تلاتة زائد تلاتة زائد تلاتة؛ يعني هيساوي اتناشر. وبكده أقدر أقول إن ناتج ضرب أربعة في تلاتة هيساوي اتناشر. يعني عند حسين اتناشر كتكوت. هنكمّل في الصفحة اللي جايّة.

مثال: تمن أصدقاء، عند كل واحد تلات كرات. كم كرة عندهم جميعًا؟

عشان أجيب عدد الكرات اللي موجودين عند التمن أصدقاء، هجيب حاصل ضرب تمنية في تلاتة. هستعمل قِطَع العدّ. هكوّن تمن مجموعات، في كل مجموعة تلات قِطَع زيّ ما هو موضّح قدّامي. المجموعة الأولى. المجموعة التانية. المجموعة التالتة. المجموعة الرابعة. المجموعة الخامسة. المجموعة الساتّة. المجموعة السابعة. والمجموعة التامنة.

وبكده أقدر أقول إنه عدد الكرات عند الأصدقاء جميعًا هيساوي تلاتة زائد تلاتة، زائد تلاتة، زائد تلاتة. زائد تلاتة، زائد تلاتة، زائد تلاتة، زائد تلاتة. يعني هيساوي أربعة وعشرين. وبكده أقدر أقول إنه ناتج ضرب تمنية في تلاتة هيساوي أربعة وعشرين. يعني عند التمن أصدقاء أربعة وعشرين كرة. هنكمّل في الصفحة اللي جايّة.

هنلاحظ كمان إن طرق إيجاد نواتج الضرب هي؛ أول حاجة: ممكن نعمل شبكة أو نموذج. تاني حاجة: استعمال الأنماط. تالت حاجة: استعمال النماذج، أو رسم صورة. رابع حاجة: استعمال الجمع المتكرّر، أو العدّ بالنطّ. وأخيرًا: استعمال حقائق الضرب المرتبطة. هنكمّل في الصفحة اللي جايّة.

تدريبات. أوجد ناتج الضرب مستعملًا النماذج، أو ارسم صورة. رقم واحد: أربعة في تلاتة.

عشان أجيب ناتج ضرب أربعة في تلاتة، هستعمل النماذج، هكوّن أربع مجموعات، في كل مجموعة تلات قِطَع. المجموعة الأولى. المجموعة التانية. المجموعة التالتة. والمجموعة الرابعة. لمّا هعدّ عدد القِطَع هلاقي إنه ناتج ضرب أربعة في تلاتة هيساوي اتناشر.

تلاتة في خمسة.

عشان أجيب ناتج ضرب تلاتة في خمسة، هكوّن خمس مجموعات، في كل مجموعة تلات قِطَع. المجموعة الأولى. المجموعة التانية. المجموعة التالتة. المجموعة الرابعة. والمجموعة الخامسة. لمّا هعدّ عدد القِطَع هلاقي إنه ناتج ضرب تلاتة في خمسة هيساوي خمستاشر.

رقم اتنين: تنمو أوراق إحدى الأشجار على شكل مجموعات من تلات أوراق على كل غصن. ما عدد الأوراق الموجودة على تسع أغصان منها؟

عشان أجيب عدد الأوراق الموجودة على تسع أغصان، هجيب ناتج ضرب تسعة في تلاتة. وعشان أجيب ناتج ضرب تسعة في تلاتة، هستعمل النماذج، هكوّن تسع مجموعات، في كل مجموعة تلات قِطَع. المجموعة الأولى. المجموعة التانية. المجموعة التالتة. المجموعة الرابعة. المجموعة الخامسة. المجموعة الساتّة. المجموعة السابعة. المجموعة التامنة. والمجموعة التاسعة.

لمّا هعدّ عدد القِطَع هلاقي إن ناتج ضرب تسعة في تلاتة هيساوي سبعة وعشرين. يعني أقدر أقول إنه عدد الأوراق اللي موجودة على تمن [تسع]‎ أغصان هو سبعة وعشرين. هنكمّل في الصفحة اللي جايّة.

رقم تلاتة: أكمل الجدول.

هلاحظ إنه معطى في السؤال جدول فيه قاعدة وهي الضرب في تلاتة. ودي معناها إن أنا عشان أحصل على المُخرَجات هضرب المُدخَلات في تلاتة.

وبكده عشان أجيب أول عدد ناقص في الجدول هضرب تسعة في تلاتة، هيساوي سبعة وعشرين. بعد كده عشان أجيب العدد اللي ناقص هفكّر كام في تلاتة هيساوي تمنتاشر. يعني هنا أنا عندي ناتج الضرب، وهو تمنتاشر، وهفكّر إيه العدد اللي هضربه في تلاتة عشان أحصل على تمنتاشر؛ هيكون ستة.

بعد كده عشان أجيب العدد اللي ناقص، هضرب أربعة في تلاتة؛ هيساوي اتناشر. وأخيرًا عشان أجيب آخِر عدد ناقص في الجدول، هفكّر إيه العدد اللي هضربه في تلاتة عشان أحصل على ناتج ضرب واحد وعشرين. هلاحظ إنه سبعة في تلاتة هيساوي واحد وعشرين.

وبكده هنكون اتعلّمنا إزاي نجيب ناتج الضرب في العدد تلاتة؛ باستعمال النماذج.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.