تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: مجموع الزوايا الخارجية للمثلث

سوزان فائق

ما مجموع قياسات الزوايا الخارجة للمثلث؟

٠١:٣٨

‏نسخة الفيديو النصية

ما مجموع قياسات الزوايا الخارجية للمثلث؟

الزوايا الخارجية للمثلث، زي الزاوية دي والزاوية دي والزاوية دي، هنسميهم واحد واتنين وتلاتة، عايزين نوجد مجموعهم.

هنسمى زوايا المثلث الداخلية أربعة وخمسة وستة. مجموع قياسات الزوايا الداخلية لأي مثلث بتساوي مية وتمانين درجة. وقياس الزاوية واحد زائد ستة الاتنين دول على استقامة واحدة، يبقى مجموعهم مية وتمانين درجة؛ ونفس الكلام للزاوية تلاتة وأربعة مجموعهم مية وتمانين درجة على استقامة واحدة بيبقوا مكملتين لبعض؛ وكمان الزاوية اتنين وخمسة هيبقى مجموعهم مية وتمانين درجة.

يبقى لو جمعنا الزوايا الداخلية والزوايا الخارجية هيبقى مجموعها هو مية وتمانين زائد مية وتمانين زائد مية وتمانين، هتساوي خمسمية وأربعين درجة. وإحنا عارفين قيمة مجموع قياسات الزوايا الداخلية اللي هو مية وتمانين درجة، يبقى مجموع قياسات الزوايا الخارجية هيساوي الـ خمسمية وأربعين درجة ناقص الـ مية وتمانين درجة بتوع قياسات الزوايا الداخلية، فهتساوي تلتمية وستين درجة؛ يبقى مجموع قياسات الزوايا الخارجية لأي مثلث هتساوي تلتمية وستين درجة.