فيديو: إيجاد الوسيط لمجموعة بيانات ممثَّلة في جدول تكراري يتضمن العلامات

أوجد وسيط مجموعة البيانات في الجدول الموضح.

٠١:٤٢

‏نسخة الفيديو النصية

أوجد وسيط مجموعة البيانات في الجدول الموضح. المقدار والعلامة الإحصائية والتكرار. خمستاشر وتكرارها سبعة. خمسة وتلاتين وتكراره تمنية. خمسين تكراره واحد. خمسة وسبعين تكراره أربعة. وتسعين تكراره خمسة.

في البداية عشان نجيب الوسيط، هنجيب الأول ترتيب الوسيط. ترتيب الوسيط هيساوي ن زائد واحد، على اتنين. حيث أن ن هو عدد القيم. عشان نجيب عدد القيم أو ن، هنجمع التكرارات. يعني ن هتساوي سبعة، زائد تمنية، زائد واحد، زائد أربعة، زائد خمسة. يعني هتساوي خمسة وعشرين. وبكده أقدر أقول إنه ترتيب الوسيط هيساوي خمسة وعشرين زائد واحد، على اتنين؛ يعني هيساوي ستة وعشرين على اتنين. يعني هيساوي تلتاشر. لمّا هنرجع للجدول التكراري، هنلاحظ إن المقدار رقم تلتاشر هو خمسة وتلاتين؛ لأنه عدد تكرارات المقدار خمستاشر سبعة، وعدد التكرارات المقدار خمسة وتلاتين تمنية. إذن تكرارات المقدارين خمستاشر وخمسة وتلاتين هو خمستاشر تكرار. إذن المقدار رقم تلتاشر زي ما قلنا هو خمسة وتلاتين. يعني أقدر أقول إن الوسيط هو خمسة وتلاتين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.