تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: التعبير عن معادلتين آنيتين في صورة معادلة مصفوفية

سوزان فائق

اكتب المعادلتين الآنيتين الآتيتين في صورة معادلة مصفوفة: ٣ﺃ + ٢ﺏ = ١٣، ٢ﺃ + ٣ﺏ = ٧.

٠١:٢٥

‏نسخة الفيديو النصية

اكتب المعادلتين الآنيتين الآتيتين في صورة معادلة مصفوفة: تلاتة أ زائد اتنين ب تساوي تلتاشر، اتنين أ زائد تلاتة ب يساوي سبعة.

المعادلة المصفوفة بتبقى عبارة عن مصفوفة المعاملات مضروبة في مصفوفة المتغيرات بتساوي مصفوفة الثوابت. المعاملات دي هي معاملات المتغيرات. وإحنا عندنا هنا أ وَ ب، يبقى هتبقى معاملات الـ أ والـ ب، اللي هم التلاتة والاتنين، والاتنين والتلاتة.

يبقى مصفوفة المعاملات هتبقى المصفوفة: تلاتة واتنين، واتنين وتلاتة. وبيبقى الترتيب ده: المعادلة الأولى بتمثل الصف الأول، والمعادلة التانية بتمثل الصف التاني؛ والحد الأول اللي فيه الـ أ بيمثل العمود الأول، والحد التاني اللي بيبقى فيه الـ ب بيمثل العمود التاني. علشان كده بنحط المتغيرات أ وبعدين ب؛ لأن ده الخاص بالـ أ، والتاني الخاص بالـ ب.

الكلام ده كله بيساوي مصفوفة الثوابت؛ المعادلة الأولى ثابتها تلتاشر، المعادلة التانية ثابتها سبعة. وهي دي صورة معادلة المصفوفة.