فيديو: إيجاد مساحة سطح المنشور

احسب مساحة سطح المنشور الموضَّح.

٠٢:١٤

‏نسخة الفيديو النصية

احسب مساحة سطح المنشور الموضَّح.

مساحة السطح الكلية للمنشور هي مجموع مساحة القاعدتين، زائد مجموع مساحات الأوجُه الجانبية. المنشور المعطى قاعدته على شكل مثلث. يبقى مجموع مساحتَي القاعدتين اللي هم على شكل مثلث، زائد مجموع مساحات الأوجُه الجانبية. الأوجُه الجانبية عبارة عن مستطيلات؛ مستطيل فيه طوله عشرة وعرضه أربعة. ومستطيل عرضه خمسة وطوله عشرة. ومستطيل عرضه تلاتة وطوله عشرة.

مجموع مساحات الأوجُه الجانبية بيمكن حسابها عن طريق إنها بتساوي محيط القاعدة مضروبة في ارتفاع المنشور. يبقى مجموع مساحات الأوجُه الجانبية هيبقى محيط القاعدة. والقاعدة هنا على شكل مثلث. مثلث فيه ضلع تلات وحدات، وضلع خمسة، والضلع التالت أربع وحدات. يبقى تلاتة زائد خمسة زائد أربعة. كل ده مضروب في ارتفاع المنشور، اللي هنا ارتفاعه عشرة. هيساوي … تلاتة زائد خمسة تمنية، زائد أربعة اتناشر، في عشرة، يبقى مية وعشرين وحدة مربعة.

مجموع مساحة القاعدتين هيبقى اتنين في مساحة المثلث، اللي بيمثّل القاعدة. المثلث هنا قاعدته تلاتة وارتفاعه أربعة؛ لأن الزاوية دي قائمة. يبقى اتنين في نصّ طول القاعدة في … الارتفاع أربعة. هيساوي اتناشر وحدة مربعة.

يبقى مساحة السطح الكلية للمنشور هتساوي مية وعشرين زائد اتناشر. يبقى مية اتنين وتلاتين وحدة مربعة. وهي دي الإجابة المطلوبة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.