فيديو: تحديد الأشكال

ما شكل قاعدة هذا المخروط؟ [أ] مثلث [ب] دائرة [ج] مربع

٠١:٢٧

‏نسخة الفيديو النصية

ما شكل قاعدة هذا المخروط؟ عندنا تلات اختيارات: مثلث، أم دائرة، أم مربع؟

عايزين نفكّر مع بعض شوية هو شكل المخروط ده بيشبه إيه من الأشياء اللي ممكن نشوفها حوالينا. ممكن حدّ يقول: إنه شبه البسكوتة بتاعة الآيس كريم. اللي فعلًا لو شِلنا منها الآيس كريم، هتصبح على شكل المخروط اللي عندنا ده، بس مقلوبة لفوق. يعني لو قلبناها بالعكس، هتصبح هي بالظبط زيّ شكل المخروط اللي قدامنا. وممكن حدّ تاني يقول: شبه الطرطور اللي بيلبسه المهرِّج اللي بنشوفه في السيرك. اللي بالفعل لو زوّقناه شوية هيصبح نسخة من طرطور المهرِّج، اللي موجود عندنا في الصورة.

طب دلوقتي بعد ما تخيَّلنا مع بعض إيه هو المخروط، يا ترى نقدر نحدّد شكل القاعدة بتاعته. خلّينا نرجع تاني لبسكوتة الآيس كريم. هنلاقي إن قاعدة البسكوتة بتاعة الآيس كريم. بعد ما بناكل كمّيّة الآيس كريم اللي فوقيها، بنلاقي إن القاعدة اللي شايلة الآيس كريم دي عبارة عن شكل دائرة. وهنلاقي كمان إن القاعدة بتاعة الطرطور اللي بيلبسه المهرِّج في السيرك. اللي هي بيحطّها على راسه مباشرةً، واللي مظلَّلة عندنا دلوقتي باللون الرمادي. عبارة، هي كمان، عند دايرة.

يعني إجابة السؤال: «إيه شكل قاعدة المخروط؟» قاعدة المخروط شكلها بيبقى دائرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.