فيديو: كتابة وحل الدوال الخطية ذات المتغيرين التي تتضمن المقارنة باستخدام الضرب

طول السمكة أ يساوي ضعف طول السمكة ب. اكتب معادلة لإيجاد طول السمكة ب إذا كان طول السمكة أ يساوي ٦ أمتار، ثم حُلَّ هذه المعادلة.

٠٢:٠٢

‏نسخة الفيديو النصية

طول السمكة أ يساوي ضعف طول السمكة ب. اكتب معادلة لإيجاد طول السمكة ب إذا كان طول السمكة أ يساوي ستة أمتار، ثم حل هذه المعادلة.

دلوقتي إحنا عندنا علاقة بتربط بين طول السمكتين؛ السمكة أ ضعف طول السمكة ب. هنفترض إن السمكة الصغيرة طولها س، هنعبّر عن المتغير س بطول السمكة ب، عايزين نكتب دلوقتي العلاقة بين طول السمكتين. إحنا بنقول إن طول السمكة أ بيساوي ضعف طول السمكة ب، يعني اتنين في طول السمكة ب. طب إحنا معطى عندنا إن طول السمكة أ بيساوي ستة أمتار، فيبقى هنعوّض عن طول أ بستة أمتار، وبعدين حاصل ضرب اتنين في طول السمكة ب اللي هو المتغير اللي استخدمناه عشان نعبّر عن طولها اللي هو س؛ كده نقدر نكتب العلاقة دي أو المعادلة دي بإنها اتنين س هتساوي ستة، يبقى كده دي المعادلة اللي نقدر من خلالها نحسب طول السمكة ب. طب دلوقتي عايزين نوجد الطول ده بقى، يعني نحل المعادلة ونوجد قيمة س.

عشان نقدر نوجد قيمة س، محتاجين نخلي المتغير س في طرف لوحده، يعني محتاجين نتخلص من الاتنين اللي تم ضربها فيه. وعشان نعمل كده بنعمل العملية العكسية للضرب، يعني هنعمل عملية قسمة على اتنين، بس هنقسم على الاتنين في الطرفين، هيبقى س بتساوي ستة على اتنين؛ يعني س هتساوي تلاتة.

يبقى حل المعادلة هو إن س قيمتها هتبقى بتساوي تلاتة؛ يعني لو كان طول السمكة أ ستة أمتار، فهيبقى طول السمكة ب في الحالة دي ثلاثة أمتار.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.