فيديو: إيجاد مساحة مستطيل بمعلومية أبعاده في صورة أعداد عشرية

أوجد مساحة المستطيل الآتي.

٠٢:٣٧

‏نسخة الفيديو النصية

أوجد مساحة المستطيل الآتي. معطى مستطيل أبعاده تسعة واتنين وتمانين من مية سنتيمتر، وسبعة وستة من عشرة سنتيمتر. ومطلوب إننا نجيب مساحته.

في البداية، هنكتب قانون المساحة. مساحة المستطيل هتساوي الطول في العرض. هنعوّض عن الطول بتسعة واتنين وتمانين من مية، والعرض بسبعة وستة من عشرة. هنلاحظ إنه الأبعاد أعداد عشرية. هنستخدم ضرب الأعداد العشرية؛ عشان نجيب مساحة المستطيل.

عند ضرب الأعداد العشرية، هيتمّ الضرب بدون الفصلة العشرية. يعني هكتب … العدد الأولاني تسعمية اتنين وتمانين، في … العدد التاني ستة وسبعين. هبتدي بضرب الآحاد؛ ستة في اتنين هيساوي اتناشر. هكتب اتنين، وهضيف واحد فوق خانة العشرات. ستة في تمنية هيساوي تمنية وأربعين. وواحد يعني تسعة وأربعين. هكتب تسعة، وأربعة فوق خانة المئات. ستة في تسعة هيساوي أربعة وخمسين. زائد أربعة يعني تمنية وخمسين. هنمسح الأعداد اللي كتبناها فوق خانة العشرات وخانة المئات؛ عشان نقوم بضرب العشرات. هنضيف صفر العشرات وعلامة الجمع.

سبعة في اتنين هيساوي أربعتاشر. هكتب أربعة، وأضيف واحد فوق خانة العشرات. سبعة في تمنية هيساوي ستة وخمسين. زائد واحد يعني سبعة وخمسين. هكتب سبعة، وخمسة فوق خانة المئات. سبعة في تسعة هيساوي تلاتة وستين. زائد خمسة يعني تمنية وستين.

هنجمع. اتنين زائد صفر هيساوي اتنين. وتسعة زائد أربعة هيساوي تلتاشر. هكتب تلاتة، وهضيف واحد فوق خانة المئات. واحد زائد تمنية بتسعة. تسعة زائد سبعة هيساوي ستاشر. ستة، وهضيف واحد فوق خانة الألوف. واحد زائد خمسة يساوي ستة. ستة زائد تمنية هيساوي أربعتاشر. هكتب أربعة، وهضيف واحد فوق خانة عشرات الألوف. واحد زائد ستة هيساوي سبعة.

هكتب الناتج، وبعدين هعدّ كام رقم بعد الفصلة العشرية. واحد، اتنين، تلاتة. إذن هعدّ واحد، اتنين، تلاتة. هو ده مكان الفصلة العشرية. وبكده أقدر أقول: إنه مساحة المستطيل هتساوي أربعة وسبعين وستمية اتنين وتلاتين من ألف سنتيمتر مربع.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.