فيديو: تحديد الأشكال التي تمثِّل كسرًا معطى باستخدام نماذج الكسور البصرية

أي الأشكال الآتية نِصفه مظلّل؟ [أ] شكل أ [ب] شكل ب [ج] شكل ﺟ [د] شكل د

٠٢:٥٤

‏نسخة الفيديو النصية

أي الأشكال الآتية نِصفه مظلّل: أ، ولّا ب، ولّا ﺟ، ولّا د؟

عندنا الأربع أشكال دول، وعاوزين نعرف إيه الأشكال اللي فيهم اللي نُصهم مظلّل. يعني إيه نُصهم مظلّل؟ نصهم مظلّل يعني مقسومين لنُصين متساويين بالظبط، وملونين نص واحد منهم، والنص التاني سايبينه لونه أبيض. طيب تعالوا كده ناخد شكل شكل، ونشوف هل الشكل ده نُصه مظلّل ولّا لأ.

نبدأ بالشكل أ. نلاقي عندنا الشكل أ ده مقسوم لنصين فعلًا، وده الخط اللي قاسم الشكل لنُصين. خلينا نعمله بلون ظاهر، أهو؛ نص سايبينه لونه أبيض اللي هو ده، ونص تاني مظلّلينه. يبقى معنى كده إن أ نصه مظلّل ولا لأة؟ أيوة، أ نصه مظلّل، فنكتبه هنا أ بالشكل ده.

تعالوا نشوف ب. ب عندنا ده الخط اللي قاسم الشكل. طيب هل ب هنا مقسومة لنصين متساويين بالظبط؟ يعني لو بصّينا كده بعنينا، هل الجزء الأصفر ده قدّ الجزء الأبيض ده؟ لأة؛ لأن الجزء الأبيض كبير، والجزء الأصفر صغير، مش قدّ بعض ومش زي بعض بالظبط؛ فمعنى كده إن ب مش صح، مش معانا في الإجابة.

نيجي للشكل ﺟ. الشكل ﺟ هنا عبارة عن مثلث، والمثلث ده فيه الخط ده هو اللي قاسمه، قاسمه لنصين متساويين. ليه؟ لأن الجزء الأصفر ده قدّ الجزء الأبيض ده وزيه بالظبط؛ يبقى معنى كده إن ﺟ نصه مظلّل، اللي هو النص الأصفر؛ فيبقى ﺟ هنا إجابة صح، ونكتبها هنا.

نشوف الشكل اللي بعده. وهو د. عندنا في د ده الخط اللي قاسمه لنصين متساويين. ليه قاسمه لنصين متساويين؟ لأن الجزء الأصفر قدّ الجزء الأبيض؛ فبالتالي الجزء المظلّل ده هو نص الشكل. يعني د كمان إجابة صح.

فكده نكون شُفنا الأربع أشكال، وعرفنا مين فيهم اللي نصه مظلّل. طلع الأشكال أ وَ ﺟ وَ د نصها مظلّل. لكن ب مش معانا في الإجابة؛ لأن نصه مش مظلّل. فده معناه إن الإجابة الصح هي: أ وَ ﺟ وَ د.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.