فيديو: إيجاد العلاقة بين خطين مستقيمين

تسير السيارة الزرقاء على طريق _ الطريق الذي تسير عليه السيارة الصفراء. [أ] يوازي [ب] عمودي على [ج] يتقاطع مع

٠١:١٩

‏نسخة الفيديو النصية

تسير السيارة الزرقاء على طريق، نقط، الطريق الذي تسير عليه السيارة الصفراء. عندنا تلات اختيارات؛ الاختيار الأول: يوازي. الاختيار التاني: عمودي على. الاختيار التالت: يتقاطع مع.

يعني إحنا دلوقتي محتاجين نشوف الطريقين اللي بيمشي فيهم السيارة الزرقاء والسيارة الصفراء يا ترى علاقتهم إيه ببعض؟ يا ترى هما بيوازوا بعض، ولّا عمودي واحد منهم على الآخر، ولّا يا ترى هم خطين متقاطعين.

لو رسمنا المسارات اللي بتمشي فيها السيارة الزرقاء والصفراء على شكل خطوط مستقيمة، هنلاحظ إن الخطين دول مش هيتقاطعوا أبدًا. يعني الخطين دول متوازيين، ما ينفعش يبقوا متقاطعين؛ لأنهم عمرهم ما هيتلاقوا في نقطة. وما ينفعش يبقى أحدهم عمودي على الآخر؛ عشان هم أصلًا مش هيتقاطعوا، فما ينفعش يبقى بالتالي أحدهم عمودي على الآخر. هيبقى الخطين اللي عندنا دول، بما إنهم مش هيتقابلوا في أي نقطة، فيبقوا متوازيين. فبالتالي التكملة الصحيحة للجملة، هي إن السيارة الزرقاء بتسير على طريق يوازي الطريق الذي تسير عليه السيارة الصفراء.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.