تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد حجم متوازي مستطيلات بعَدِّ مكعبات الوحدة

أماني يوسف

يتألف كلٌّ من متوازيات المستطيلات الآتية من وحدات مكعبة. أيٌّ منها حجمه ٣٠ وحدة مكعبة؟ [أ] شكل ١ [ب] شكل ٢ [ج] شكل ٣ [د] شكل ٤

٠٤:٣٣

‏نسخة الفيديو النصية

يتألّف كلٌّ من متوازيات المستطيلات الآتية من وحدات مكعبة. أيٌّ منها حجمه تلاتين وحدة مكعبة؟

قدامنا أربع متوازيات مستطيلات، اللي قدامنا دول. عايزين نعرف أيّ واحد فيهم هو اللي حجمه تلاتين وحدة مكعبة. طيب هو أصلًا إحنا كنا بنجيب حجم متوازي المستطيلات إزاي؟ حجم متوازي المستطيلات هو عدد الوحدات المكعبة اللي فيه. الوحدة المكعبة اللي هو المكعب الصغير ده. دي كده وحدة مكعبة. فإحنا لو عدينا مثلًا متوازي المستطيلات ده مكون من كام مكعب، هنبقى كده عرفنا حجمه. أكننا جبنا المكعبات اللعبة اللي بنلعب بيها، وركّبناهم مع بعض علشان نكوّن متوازيات المستطيلات اللي عندنا.

فنبدأ نعدّ أول إيه؟ متوازي المستطيلات، فيه كام مكعب. واحد، اتنين، تلاتة، أربعة، خمسة، ستة، سبعة، تمنية، تسعة، عشرة، حداشر، اتناشر، تلتاشر، أربعتاشر، خمستاشر، ستاشر، سبعتاشر، تمنتاشر، تسعتاشر، عشرين، واحد وعشرين، اتنين وعشرين، تلاتة وعشرين، أربعة وعشرين وحدة مكعبة. يبقى متوازي المستطيلات ده حجمه تلاتين وحدة مكعبة؟ لأ ده أربعة وعشرين؛ يبقى مش هو الإجابة الصح.

طيب تعالوا نشوف متوازي المستطيلات اللي بعده. هنلاقي فيه مكعبات قدام زي المكعب ده كده، اللي إحنا ظلّلناه، والمكعب اللي ورا ده. يبقى كده فيه مكعبات قدام، ومكعبات في ضهرها. فإحنا هنعدّ اللي قدام، ويبقى زيهم بالظبط اللي ورا. يعني إيه؟ يعني لو جينا نعدّ المكعبات اللي قدام، هنلاقيها كام؟ واحد، اتنين، تلاتة، أربعة، خمسة، ستة، سبعة، تمنية، تسعة، عشرة، حداشر، اتناشر، تلتاشر، أربعتاشر، خمستاشر، ستاشر، سبعتاشر، تمنتاشر، تسعتاشر، عشرين، واحد وعشرين، اتنين وعشرين، تلاتة وعشرين، أربعة وعشرين.

يبقى الصف اللي قدام أربعة وعشرين مكعب. زيه بالظبط اللي وراه ده. يبقى اللي وراه كمان أربعة وعشرين. يبقى كده أربعة وعشرين، زائد أربعة وعشرين؛ تمنية وأربعين وحدة مكعبة. عارفين، هو زي الاختيار الأول ده اللي هو كان أربعة وعشرين وحدة مكعبة، بس زوّدنا عليه كمان أربعة وعشرين زيه في ضهره هنا، فبقوا كلهم تمنية وأربعين وحدة مكعبة. وبرضو مش هو الاختيار الصح؛ عشان إحنا عاوزين يكون تلاتين وحدة مكعبة هو حجمه.

نشوف الاختيار التالت. في الاختيار التالت برضو هنلاقيه مكوّن من صَفّين، أو فيه مكعبات قدام، أو آسفة، فيه مكعبات ورا ودي مكعبات قدام. فنبدأ نعدّ اللي قدام، ويبقى زيهم بالظبط اللي ورا نجمعهم عليه. فنعد المكعبات اللي قدام. واحد، اتنين، تلاتة، أربعة، خمسة، ستة، سبعة، تمنية، تسعة، عشرة، حداشر، اتناشر، تلتاشر، أربعتاشر، خمستاشر، ستاشر، سبعتاشر، تمنتاشر، تسعتاشر، عشرين، واحد وعشرين. واحد وعشرين مكعب قدّام، وعليهم واحد وعشرين مكعب في ضهرهم؛ يبقى كله اتنين وأربعين وحدة مكعبة. مش ده الحجم اللي إحنا عاوزينه. يبقى برضو اللي اختيار ده مش هو اللي صح.

نشوف آخر اختيار، ونعدّ المكعبات اللي قدام. واحد، اتنين، تلاتة، أربعة، خمسة، ستة، سبعة، تمنية، تسعة، عشرة، حداشر، اتناشر، تلتاشر، أربعتاشر، خمستاشر. يبقى قدام فيه خمستاشر مكعب، وحطينا أو لزقنا في ضهرهم كمان خمستاشر مكعب. اللي هم هنا دول. خمستاشر زائد خمستاشر تلاتين. آه، يبقى هو ده المتوازي المستطيلات، آسفة، هو ده متوازي المستطيلات اللي حجمه تلاتين وحدة مكعبة. وتبقى هي دي الإجابة الصح اللي إحنا المفروض نختارها.