فيديو: إيجاد صورة قطعة مستقيمة بعد الانعكاس

ما صورة القطعة المستقيمة أ ﺟ بالانعكاس في الخط المستقيم أ ﻫ؟

٠١:٢٦

‏نسخة الفيديو النصية

ما صورة القطعة المستقيمة أ ﺟ بالانعكاس في الخط المستقيم أ ﻫ؟

هنبص عَ الشكل، هنلاقي إن أ ﺟ هي اللي لوّنّاها باللون البرتقالي اللي عندنا ده. أما الخط اللي بيمثل خط الانعكاس أو محور الانعكاس، فهو المستقيم. الخط المستقيم اللي باللون الأخضر اللي هو الخط المستقيم أ ﻫ.

لمّا بنيجي نوجد صورة قطعه مستقيمة بالانعكاس، بنشوف صورة كل نقطة لوحدها. فهنبدأ بالنقطة أ، هنلاحظ إن النقطة أ واقعة على محور الانعكاس، فصورتها هتنطبق عليها. يعني الصورة بتاعة أ هي أ نفسها.

دلوقتي عايزين نشوف صورة النقطة ﺟ. النقطة ﺟ أهي، وعندنا محور الانعكاس اللي هو بيمُرّ بالنقطة ﻫ ده، عايزين نشوف صورتها. يبقى هنقيس بُعد النقطة ﺟ عن محور الانعكاس، اللي هو القطعة المستقيمة ﺟ ﻫ، وعلى نفس المسافة نقيس من محور الانعكاس في الاتجاه المقابل نفس المسافة عشان نوجد صورة النقطة ﺟ.

هنلاقي إن صورتها هتبقى النقطة ب. فكده تبقى صورة القطعة المستقيمة أ ﺟ هي القطعة المستقيمة أ ب، وده بالانعكاس في الخط المستقيم أ ﻫ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.