فيديو: امتحان الفيزياء • ٢٠١٧/٢٠١٦ • السؤال الثالث عشر

امتحان الفيزياء • ٢٠١٧/٢٠١٦ • السؤال الثالث عشر

٠١:٥٧

‏نسخة الفيديو النصية

يوضّح الشكل طيف الأشعة السينية المنبعثة من أنبوب كولدج. أيُّ الأطوال الموجية الموضَّحة على الشكل ينبعث نتيجة انتقال إلكترون من مستوى طاقة أعلى في ذرة الهدف إلى مستوى طاقة أدنى؟

وموضَّح في الشكل طيف الأشعة السينية الصادر من أنبوب كولدج. وموضَّح أربع أطوال موجية: 𝑚 وَ 𝑜 وَ 𝑛 وَ 𝑝.

فأنبوب كولدج بيبقى عبارة عن أنبوب مفرَّغ وموجود جواه فتيلة بتصدر إلكترونات، وهدف بتصطدم بيه الإلكترونات. وفيه فرق جهد بين الفتيلة والهدف؛ علشان الإلكترونات تتصارع لحدّ ما تخبط في مادة الهدف. وده بيؤدِّي لأنها بتصدر أشعة سينية، طيف الأشعة دي بيبقى على الشكل الموضَّح في الرسم. والطيف ده ممكن نقسّمه لنوعين؛ النوع الأول بيبقى عبارة عن قيم عالية وحادَّة. وبنسمِّي النوع ده الطيف الخطّي. أمَّا النوع التاني، فقيمه ما بتبقاش حادة، وبتبقى مستمرة. وبنسمِّي النوع ده الطيف المستمر.

فلو بصّينا على الأطوال الموجية 𝑚 وَ 𝑛 وَ 𝑝، هنلاقي شدة الإشعاع عندها بتقع في الطيف المستمر. أمَّا بالنسبة للطول الموجي 𝑜، فشدة إشعاعه عند الطيف الخطّي. وقيمة شدة الإشعاع عند أطوال موجية معيَّنة في الطيف المستمر بتعتمد على فرق الجهد بين الفتيلة والهدف. أمَّا الطيف الخطِّي فبييجي نتيجة إن الإلكترونات المتسارعة. لو كانت طاقة حركتها كفاية لمَّا بتصطدم بالإلكترونات اللي في ذرات مادة الهدف اللي في مستويات الطاقة القليلة. الإلكترونات اللي في ذرات مادة الهدف بتقدر تتحرَّر من مستويات الطاقة دي. وبتسيب مكانها حالة فاضية ممكن إلكترونات في مستويات طاقة عليا تنزل لها. وبتطلَّع فرق الطاقة بين مستوى الطاقة الأعلى ومستوى الطاقة الأدنى في صورة فوتون في الأشعة السينية.

يبقى كده الطول الموجي لنتيجة انتقال إلكترون من مستوى طاقة أعلى إلى مستوى طاقة أدنى في ذرة الهدف لازم يكون عند الطيف الخطّي. وده معناه إن الإجابة الصحيحة هي الطول الموجى 𝑜.

وبكده نبقى عرفنا الفرق بين الطيف الخطّي والطيف المستمر، وإيه العوامل اللي بيعتمدوا عليها.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.