فيديو: التعامل مع الأنماط العددية التي تتضمَّن الأعداد حتى ٩٩

أكمل النمط التالي: ٥، ١٥، _، _، _، ٥٥.

٠١:٣٥

‏نسخة الفيديو النصية

أكمل النمط التالي: خمسة، وخمستاشر، وتلات فراغات، وخمسة وخمسين.

مجموعة الأعداد اللي عندنا دي، مترتبة ترتيب معيّن. علشان كده بنقول عليها نمط. ودلوقتي علشان نعرف نكمّل الفراغات الموجودة في النمط ده، هنحدّد العلاقة بين كل عددين ورا بعض. العددين خمسة وخمستاشر، هم بالفعل عددين ورا بعض. ودلوقتي هنسأل نفسنا: يا ترى إيه العملية الحسابية، اللي حصلت على العدد خمسة، علشان تساوي العدد خمستاشر؟

هنلاقي إننا لو ضِفنا للعدد خمسة، عشرة، هيساوي العدد خمستاشر. فهنستنتج إن العملية الحسابية المتكررة، هي زائد عشرة. ودلوقتي علشان نعرف العدد اللي بعد خمستاشر، هنضيف له عشرة. خمستاشر زائد عشرة بيساوي خمسة وعشرين.

وبنفس الطريقة هنضيف للخمسة وعشرين، عشرة. فهتساوي خمسة وتلاتين. وعلشان نعرف العدد اللي هنكتبه في الفراغ الأخير، هنضيف للخمسة وتلاتين عشرة. فهتساوي العدد خمسة وأربعين. ولو ضِفنا للخمسة وأربعين، عشرة كمان هيساوي خمسة وخمسين. وهو ده بالفعل العدد المكتوب في النمط. وبالتالي هتكون الإجابة هي الأعداد: خمسة وعشرين، وخمسة وتلاتين، وخمسة وأربعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.