تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد مساحة سطح منشور

سوزان فائق

جميع المنشورات التالية أحجامها متساوية. ما المنشور الأكبر في المساحة؟

٠٤:٢٦

‏نسخة الفيديو النصية

جميع المنشورات التالية أحجامها متساوية. ما المنشور الأكبر في المساحة؟ المنشور الأول: أبعاده تمنتاشر، واتنين، واتنين. المنشور التاني: اتناشر، وتلاتة، واتنين. المنشور التالت: اتنين، وأربعة، وتسعة. المنشور الرابع: ستة، واتنين، وستة. المنشور الخامس: اتنين وسبعين، وواحد، وواحد.

مساحة المنشور بتساوي محيط القاعدة في الارتفاع زائد، اتنين في مساحة القاعدة. محيط القاعدة في الارتفاع ده اللي هو مجموع مساحات الأسطح الجانبية. القاعدة بيبقى فيه قاعدة زيها بالظبط، نفس الأطوال، قصادها.

في الشكل الأول القاعدة هنا هي الاتنين والاتنين، وزيها هنا اتنين في اتنين، والارتفاع هو التمنتاشر. يبقى مساحة الشكل رقم أ، هنسمّيه م واحد، يساوي مجموع مساحات الأسطح الجانبية، اللي هو محيط القاعدة في الارتفاع. القاعدة عندنا هنا اتنين في اتنين؛ يبقى محيطها مجموع أطوال أضلاعها، اللي هو اتنين، زائد اتنين، زائد اتنين، زائد اتنين، اللي هو أربعة في اتنين. والارتفاع تمنتاشر. زائد اتنين في مساحة القاعدة. القاعدة هنا مربعة، يبقى طول الضلع تربيع؛ يبقى اتنين أُس اتنين، وهنضربها في اتنين؛ يبقى المساحة هتساوي مية اتنين وخمسين. دي مساحة المنشور الأول.

بنفس الطريقة هنحسب مساحة الشكل التاني. يبقى م اتنين هيساوي محيط القاعدة … هنا القاعدة طولها تلاتة وعرضها اتنين، يبقى اتنين في مجموع الطول والعرض؛ يبقى اتنين زائد تلاتة. وهنضرب في الارتفاع اللي هو هنا اتناشر؛ زائد اتنين في مساحة القاعدة اللي هي تلاتة في اتنين؛ هتساوي مية اتنين وتلاتين. دي مساحة الشكل التاني.

المنشور رقم تلاتة هيبقى دي قاعدته. يبقى مساحته هتساوي … محيط القاعدة اتنين في، أربعة زائد اتنين، في … الارتفاع تسعة، زائد اتنين في … مساحة القاعدة اتنين في أربعة؛ هيساوي مية أربعة وعشرين. ودي مساحة المنشور التالت.

المنشور الرابع هيساوي … دي قاعدته، وده الارتفاع. يبقى اتنين في، ستة زائد ستة، مضروبة في… الارتفاع اتنين، زائد … مساحة القاعدة ستة في ستة، وهنضربها في اتنين؛ هيساوي مية وعشرين. ودي مساحة المنشور الرابع.

المنشور الأخير، رقم خمسة، هيساوي … واحد في واحد ده القاعدة، يبقى اتنين، مضروبة في الواحد زائد الواحد، مضروبة في … الارتفاع اتنين وسبعين، زائد … مساحة القاعدة هتبقى واحد في واحد، وهنضربها في الاتنين للقاعدتين؛ يساوي ميتين وتسعين. ودي مساحة المنشور الخامس.

المساحات كده؛ الشكل الأول: مية اتنين وخمسين. التاني: مية اتنين وتلاتين. التالت: مية أربعة وعشرين. الرابع: مية وعشرين. والأخير: ميتين وتسعين. الأكبر في المساحة هو آخر منشور، اللي هو أبعاده: الواحد، والواحد، والاتنين وسبعين. ده المنشور الأكبر في المساحة.