فيديو: المقارنة بين عددين مُكونين من عدة أرقام

أكمل المقدار: ٥٧٤‎١١< _. [أ] ١٨‎٥٠٤ [ب] ٤٧‎٤٨٦ [ج] ١٧‎٤٢٩ [د] ٩٤‎٧٨٥

٠٢:٤٧

‏نسخة الفيديو النصية

أكمل المقدار: سبعة وخمسين ألف ربعمية وحداشر، أقل من نقط. أ: تمنتاشر ألف خمسمية وأربعة. ب: سبعة وأربعين ألف ربعمية ستة وتمانين. ج: سبعتاشر ألف ربعمية تسعة وعشرين. د: أربعة وتسعين ألف سبعمية خمسة وتمانين.

عاوزين نعرف سبعة وخمسين ألف ربعمية وحداشر، أقل من مين. وعندنا أربع اختيارات. فهنجرّب نقارن بين سبعة وخمسين ألف ربعمية وحداشر، والاختيار الأول، اللي هو تمنتاشر ألف خمسمية وأربعة. وبنبدأ من أول رقم على الشمال. الخمسة هي أول رقم على الشمال، في سبعة وخمسين ألف ربعمية وحداشر. والواحد هو أول رقم على الشمال، في تمنتاشر ألف خمسمية وأربعة. هنلاقي إن الخمسة أكبر من الواحد. فده معناه إن سبعة وخمسين ألف ربعمية وحداشر، أكبر من تمنتاشر ألف خمسمية وأربعة. مش أصغر منها. فده معناه إن أول اختيار ده مش صح.

نجرب تاني اختيار. سبعة وأربعين ألف ربعمية ستة وتمانين. الأربعة هو أول رقم في الشمال. الخمسة أكبر من الأربعة. والخمسة هي الرقم اللي موجود في خانة عشرات الآلاف، في سبعة وخمسين ألف ربعمية وحداشر. والأربعة هو الرقم اللي موجود في خانة عشرات الآلاف، في سبعة وأربعين ألف ربعمية ستة وتمانين. فده معناه إن العدد ده برضو صغير، ومش هو الإجابة الصح.

نشوف تالت اختيار. سبعتاشر ألف ربعمية تسعة وعشرين. ونحدّد الرقم اللي موجود في خانة عشرات الألوف، اللي هو أول رقم على الشمال، الواحد. هنلاقيه برضو أصغر من الخمسة. فده معناه إنه سبعة وخمسين ألف ربعمية وحداشر، هي الكبيرة. مش ده اللي إحنا عاوزينه. إحنا عايزين عدد يكون أكبر منها. فنستبعد الاختيار التالت كمان.

ونجرب آخر اختيار. أربعة وتسعين ألف سبعمية خمسة وتمانين. ونحدّد الرقم اللي موجود في خانة عشرات الألوف، اللي هو برضو أول رقم على الشمال، التسعة. ونقارن بينه وبين الخمسة. هنلاقي إن فعلًا التسعة أكبر من الخمسة. فده معناه إن أربعة وتسعين ألف سبعمية خمسة وتمانين، بالفعل أكبر من سبعة وخمسين ألف ربعمية وحداشر.

وبكده نكون كمّلنا الاختيار، آسفة، كمّلنا المقدار بشكل صحيح. ونتيجة التكملة هي إننا قُلنا إيه؟ سبعة وخمسين ألف ربعمية وحداشر، أقل من، أو أصغر من أربعة وتسعين ألف سبعمية خمسة وتمانين. وتبقى هي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.