فيديو: استخدام النسب للمقارنة بين السرعات المتوسطة

يوضِّح الجدول المسافات وزمن الرحلات لثلاث رحلات مختلفة تُقلِع من المطار. ما الرحلة التي لها أكبر سرعة متوسِّطة؟

٠٢:٣٠

‏نسخة الفيديو النصية

يوضح الجدول المسافات، وزمن الرحلات، لثلاثة رحلات مختلفة تُقلع من المطار. ما الرحلة التي لها أكبر سرعة متوسطة؟

بالنظر للجدول، هنلاقي إنه بيبيّن تلات رحلات، مترقّمين من واحد لتلاتة. الجدول يوضح المسافة اللي قطعتها كل طائرة في كل رحلة، والزمن اللي قطعت خلاله المسافة دي. والمطلوب هو معرفة أكبر سرعة متوسطة في الرحلات التلاتة.

نفتكر إن السرعة المتوسطة بتساوي المسافة الكلية على الزمن المستغرَق. فهنحسب السرعة المتوسطة للرحلات التلاتة. السرعة المتوسطة في الرحلة واحد هتساوي … فبالنظر للجدول، هنلاقي إن المسافة الكلية بتساوي ألف وخمسمية وتسعين كيلومتر. والزمن المستغرق بيساوي اتنين وخمسة من عشرة ساعة. وبالتالي تبقى السرعة المتوسطة الرحلة الأولى بتساوي ألف وخمسمية وتسعين على اتنين وخمسة من عشرة. وباستخدام الآلة الحاسبة، ده هيساوي ستمية وستة وتلاتين كيلومتر في الساعة.

بعد كده نوجد السرعة المتوسطة في الرحلة التانية. بالنظر للجدول، هنلاقي إن المسافة الكلية بالنسبة للرحلة التانية هي ألفين وتسعة وأربعين كيلومتر. وإن الزمن بيساوي تلات ساعات. تبقى السرعة المتوسطة في الرحلة التانية هتساوي ألفين وتسعة وأربعين على تلاتة. وباستخدام الآلة الحاسبة، ده هيساوي ستمية وتلاتة وتمانين كيلومتر في الساعة.

بعد كده نحسب السرعة المتوسطة في الرحلة التالتة. فبالنظر للجدول، هنلاقي إن المسافة الكلية بالنسبة للرحلة التالتة هي ألفين وميتين وتلاتة وأربعين كيلومتر. والزمن تلاتة وخمسة وعشرين من مية ساعة. يبقى السرعة المتوسطة في الرحلة التالتة هتساوي ألفين وميتين وتلاتة وأربعين على تلاتة وخمسة وعشرين من مية. وباستخدام الآلة الحاسبة، والتقريب لأقرب وحدة، ده هيساوي تقريبًا ستمية وتسعين كيلومتر في الساعة.

وبمقارنة السرعات المتوسطة للرحلات التلاتة، هنلاقي إن أكبر سرعة متوسطة كانت في الرحلة التالتة. يبقى الرحلة التي لها أكبر سرعة متوسطة هي الرحلة التالتة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.