فيديو: مقارنة الكسور غير الفعلية بالأعداد الكسرية

أكمل ٣/٨ _ ٣/٢ ٤ باستخدام< أو = أو >.

٠٢:٠٣

‏نسخة الفيديو النصية

أكمل: تمنية على تلاتة، نقط، أربعة واتنين على تلاتة باستخدام أصغر من، أو يساوي، أو أكبر من.

عندنا عددين نسبيين. ومطلوب إننا نقارن بين العددين باستخدام أصغر من، أو يساوي، أو أكبر من. أول عدد هو تمنية على تلاتة. وهو في صورة كسر غير فعلي؛ لأن البسط أكبر من المقام. أمَّا العدد التاني، وهو أربعة واتنين على تلاتة، وهو على صورة عدد كسري. عشان نعرف نقارن بين العددين، هنخلّي العددين في نفس الصورة، يعني في صورة كسور غير فعلية. يعني هنحوّل العدد الكسري أربعة واتنين على تلاتة على صورة كسر غير فعلي، وبعدين هنقارن بين البسوط.

عشان أكتب العدد الكسري أربعة واتنين على تلاتة على صورة كسر غير فعلي، هضرب تلاتة في أربعة، هيساوي اتناشر. وبعدين هجمع اتناشر زائد اتنين هيساوي أربعتاشر. يعني هيكون مكافئ ليه أربعتاشر على نفس المقام، اللي هو تلاتة. والكسر الأولاني هيفضل على نفس صورته، اللي هي تمنية على تلاتة.

دلوقتي هنلاقي إنه الكسرين مكتوبين على نفس الصورة. أقدر أقارن بين البسطين. هنلاقي البسط الأولاني هو تمنية، والبسط التاني أربعتاشر. وبما إنه تمنية أصغر من أربعتاشر، يعني أقدر أقول: إنه الكسر تمنية على تلاتة أصغر من أربعتاشر على تلاتة. وبكده لمَّا نرجع للصورة الأصلية للأعداد النسبية اللي كانت معطاة، هنلاقي إنه تمنية على تلاتة أصغر من أربعة واتنين على تلاتة. إذن الإجابة هي: أصغر من.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.