فيديو: استخدام الأنماط العددية التي تتضمن أعدادًا حتى ٩

أكمل النمط التالي: خمسة، _، _، ثمانية.

٠٢:٠٧

‏نسخة الفيديو النصية

أكمل النمط التالي: خمسة، وعدد مجهول، وعدد آخَر مجهول، ثم ثمانية.

دلوقتي عايزين نكمّل النمط اللي قدّامنا ده اللي بيبدأ بالعدد خمسة. وبعدين فيه عدد ما محتاجين نوجده، وبعدين عدد آخَر، وبعدين عندنا معطى العدد تمنية.

لو شُفنا أول وآخِر النمط هنلاقي إنه كان بادي بخمسة، ووصل للعدد تمنية؛ يعني النمط ده بيزيد. طب إزاي هنقدر نوجد الأعداد اللي ناقصة؟

عايزين نقدر نحدّد مقدار الزيادة. طب إحنا هنلاحظ إن خمسة هتزيد بمقدار ما. هنلاحظ إن العدد خمسة هيزيد بمقدار ما إحنا لسه مش قادرين نحدّده. وهنجيب منه المفروض أول عدد مجهول عندنا. بعد كده المفروض إن نفس المقدار ده لو زوّدناه على أول عدد هنوجده، فده هيدّينا العدد التاني المطلوب. ونفس المقدار ده لو زوّدناه على العدد التاني المطلوب هنحصل على العدد اللي معطى عندنا في النمط اللي هو تمنية.

يعني أقدر أقول: يا ترى إيه العدد اللي لو زوّدته على خمسة، ورجعت زوّدته كمان مرة على العدد خمسة هحصل على الإجابة تمنية؟ يعني نقدر نقول: يا ترى إيه العدد اللي لو ضِفنا ضعفه على العدد خمسة نحصل على الإجابة تمنية؟

هنلاقي إن العدد اللي يحقّق لنا الشرط ده هو العدد واحد. يعني لو ضِفنا واحد على الخمسة هنحصل على أول عدد مطلوب عندنا في النمط اللي هو ستة. ولو ضِفنا نفس العدد، اللي هو الواحد، مرة أخرى على الستة. هنحصل على العدد الآخَر اللي مطلوب عندنا في النمط اللي هو هيبقى سبعة.

وعشان نتأكّد من صحة اللي بنعمله هنضيف واحد على السبعة فنحصل على آخِر عدد معطى عندنا في النمط اللي هو تمنية. ويبقى كده قدِرنا نحصل على العددين اللي المطلوب إن إحنا نعرفهم في النمط المعطى؛ وهم: العدد ستة، والعدد سبعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.