فيديو: تحديد الأشكال

أيّ الأشكال الآتية له أوجُه مستطيلة؟ [أ] هرم مثلث [ب] مخروط [ج] أسطوانة [د] متوازي مستطيلات

٠١:٣٧

‏نسخة الفيديو النصية

أيّ الأشكال الآتية له أوجُه مستطيلة؟ ومعطى عندنا الاختيارات. أ: هرم مثلث. ب: مخروط. ج: أسطوانة. د: متوازي مستطيلات.

فعشان نحدّد أنهي شكل اللي ليه أوجُه مستطيلة، هنبدأ نشوف الاختيارات اللي عندنا. فهنلاحظ إن الاختيار أ اللي هو هرم مثلث. والهرم المثلث بتبقى أوجُهه على شكل مثلث. فبالتالي هيبقى اختيار خاطئ.

وأمّا الاختيار ب، اللي هو مخروط. والمخروط هو عبارة عن مجسّم قاعدته دائرية. وأمّا جسم المخروط، فبيبقى عبارة عن دوران المثلث القائم الزاوية حوْل واحد من الضلعين المجاورين للزاوية القايمة، بمقدار تلتمية وستين درجة، يعني دورة كاملة. فمعنى كده إن المخروط ما بيبقاش ليه أوجُه مستطيلة. وبالتالي هيبقى الاختيار ب اختيار خاطئ.

بعد كده عندنا الاختيار ج، اللي هو أسطوانة. فالأسطوانة عبارة عن مجسّم ليه قاعدتين: قاعدة علوية، وقاعدة سفلية. وهم الاتنين بيبقوا على شكل دايرة. وأمّا جسم الأسطوانة فبينتج من التفاف ودوران المستطيل حوْل أحد جوانبه دورة كاملة. فبالتالي هتبقى الأسطوانة ليس لها أوجُه مستطيلة. وبالتالي هيبقى الاختيار ج اختيار خاطئ.

وآخر اختيار عندنا هو متوازي المستطيلات. وخلينا نفتكر إن متوازي المستطيلات هو عبارة عن مجسّم له ستة أوجُه. وكل وجه بيبقى على شكل مستطيل. فبالتالي هيبقى متوازي المستطيلات هو الشكل اللي له أوجُه مستطيلة. فمعنى كده إن هيبقى الاختيار الصحيح هو الاختيار د، متوازي مستطيلات.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.